أحمد السعدني يرد على "الشماتة" في وفاة طليقته.. ما علاقة مدرب الأهلي؟

إيمان مندور | فى حياة المشاهير

أحمد السعدني وأم أولاده

السبت , 31 أغسطس 2019 - 21:16 | اخر تحديث: السبت , 31 أغسطس 2019 - 21:16

رد الفنان أحمد السعدني على الإساءات التي وجهت له من قبل بعض المتابعين، بسبب ما كتبه عقب وفاة طليقته وأم ولديه، أمل سليمان، مطلع الشهر الجاري.

اقرأ أيضا: لأول مرة أحمد السعدني يتحدث عن طليقته: كنت ناوي أرجع لها

أوضح السعدني أنه دومًا لا يهتم بما يقوله الناس، لكن بعد المنشور الأخير الذي كتبه عن أم أولاده عقب وفاتها، علم من بعض الأصدقاء أن هناك أشخاصًا هاجموه، ولم يدري ما سبب فعلهم لذلك، لأنه من المعروف أنه لا شماتة في مثل هذه المواقف.

كتب السعدني عبر حسابه على Facebook: "طول عمري مبيفرقش معايا كلام الناس وكنت بلوم صحابي زي أحمد فهمي مثلاً إنه بيقعد يشتم الناس اللي بتشتمه وأقوله أنت بتقرا ليه أصلاً كبر دماغك.. عمري ما اهتميت اقرأ التعليقات السلبية أو يمكن كنت محظوظ إني مكنتش بشوفها أو يمكن مكنش حد بيغلط فيا".

تابع: "الحقيقة معرفش الوضع كان إيه لكن بعد البوست الطويل اللي كتبته لصاحبة البوست حبيبتي وأم ولادي رحمة الله عليها ومكنتش مهتم إن حد يقراه ولا كنت عايز اعرف رأي حضراتكم فيه.. لقيت صحابي قالولي إن في ناس شتمتني، استغربت لأن اللي اتربينا عليه إنه لا شماتة في مواقف معينة.. بس مهتمتش برضه لأن اللي فيا مكفيني أساساً".

أضاف: "النهاردة بالصدفة كنت داخل اكتب تعليق علي مدرب الأهلي الجديد بحاول اكسر حالة الجمود اللي أنا فيها والحمد لله فشلت فشل ذريع إني اكسرها والفضل لناس المفروض إنهم متابعين ليا المفروض برضه إنهم بيحبوني يعني أومال متابعني ليه عشان يشتموني؟؟.. كلام البعض واللي اعتقد مخدش منهم ٥ ثواني كتابه لكن الأكيد إنه خد وجع قلب وروح وخد من دمي وأعصابي اللي اتحرقوا كتير".

استكمل السعدني: "أنا لا هشتم ولا هعمل بلوك لحد ولا هقفل التعليقات أنا هرجع زي ما كنت اكتب وانزل صور لنفسي ولأي حد بيحبني وشخص محترم حتي لو اختلف معايا.. ومش عايز الهري ده ينسيني اشكر كل حد قريب مني وقف جنبي في شدتي وكل بعيد كان بيدعي للغالية بالرحمة ولينا بالصبر".

تابع: "والأهم اني اكتشفت وأنا بكتب السطر ده إني كسرت حالة الجمود فعلاً الحمد لله والبوست اللي جاي هيكون عن المدرب بس شكل حظه اداله فرصه معايا اشوفه في الماتشات.. إلى لقاء مش قريب غالباً".

كانت أمل سليمان، طليقة أحمد السعدني، وأم أولاده ياسين وعبد الله، قد رحلت عن عالمنا الجمعة 9 أغسطس، بعد تعرضها لسكتة قلبية داخل أحد المستشفيات، وشيعت أسرة الراحلة، جثمانها من مسجد سعاد كفافي.

اقرأ أيضا:

سبب اعتذار شيرين عبد الوهاب لأحمد السعدني

موقف دعاء فاروق من "شماتة الستات" في أحمد السعدني