بصور من زفافها... دعاء فاروق تحكي تاريخ صداقتها مع نادين حيدر

ولاء مطاوع | فى حياة المشاهير

دعاء فاروق ونادين حيدر

الأحد , 18 أغسطس 2019 - 14:01

تجمع الإعلامية دعاء فاروق علاقة صداقة طويلة مع الإعلامية اللبنانية نادين حيدر، وكشفت فاروق كواليس رحلة هذه الصداقة منذ ‏أول يوم تعارف بينهما إلى هذا اليوم، عبر حسابها الشخصي على Instagram.‏

أطلقت دعاء فاروق على نادين حيدر لقب صاحبة "نص عمري"، حيث جمعتهما علاقة صداقة قديمة بدأت منذ بداية عمل فاروق ‏كمذيعة، مرورًا بمحطات من الذكريات التي تواجدت فيها نادين حيدر سواء في الفرح أو الحزن، وأكدت دعاء أن علاقتهما بسيطة ‏وبعيدة عن الرسميات، لدرجة أنهما يجلسان معًا بملابس المنزل دون تفكير في الشكل والمظهر.‏

أضافت دعاء فاروق: "أول مرة قابلنا بعض كان سنة 1998، في تدريب المذيعات براديو وتلفزيون العرب، لبنانية مبتتكلمش مع حد ‏قرفانه من الاكل بتبصلنا بريبة واحنا بنضرب كشري وبنهزر هزار البوابين، مش فريندلي خالص ساكتة طول الوقت وزي ما تكون ‏جاية معانا غصب، خلصت رحلتها للقاهرة وقلنالها بالسلامة والقلب داعيلك متجيش تاني بقى".‏

تابعت فاروق: " بعدها بسنة سافرنا بيروت عشان نقدم حفل كبير وهنقعد شهر بالتمام والكمال وعندنا آمال نقابل صاحباتنا البيروتيات ‏الـ مدلعات اللي دمهم خفيف اللي فاكين كده ومش مأنبين زي الاخت نادين، نزلنا المطار لقيت نادين في استقبالنا وهي ساكتة برضه ‏وقرفانة، محدش قالك تيجي يا ماما إيه اللي جابك؟"‏.

استطردت دعاء: " بس اللي شفته من كرم منها وحسن استقبال واستضافة لينا في بيتها واهتمام فائق الجودة لدرجة إنها بتاخد هدومنا ‏من الأوتيل تغسلها عندهم في البيت وترجعلنا الحاجة مكوية، ولدرجة إنها كانت هي ومامتها وأصحابها بعربياتهم في خدمتنا أربعة ‏وعشرين ساعة وأي مشوار عاوزين نروحه مش هنحمل همه ولا هنركب إيه لأن نادين موجودة خلاص، نكلمها في أي وقت هي ‏تحت الأوتيل هتعملنا اللي بنحلم بيه، ده مبدئيا خلاني اتأكد إني حمارة في الحكم على البشر وإن الناس مش بالهئ والمئ والهزار".‏

استكملت دعاء فاروق: " لا هي من غير كلام اجدع ما شفت في حياتي، جت مصر واتجوزت مصري ومن ساعتها مفترقناش خلفنا ‏تلات عيال في نفس الوقت تقريبا، في فرحي كانت أول واحدة قبل أي حد معايا وانا بحط الميكاب، في ولاداتي في وفاة أبويا كانت ‏في طنطا يوم الدفن والعزا موجودة في كل مصايبي وكل أفراحي، واحد وعشرين سنة في راحة نفسية مع بنت الأصول دي عمرها ‏ما زعلتني ولا ضايقتني حبيبتي ربنا يخليكي لأولادك وحبايبك أنتي من أنضف وأرقى الناس ومتتعوضيش يا نادوش ومش هلاقي ‏زيك أبدا بحبك يا أغلى الصاحبات، كل سنة وأنتي طيبة".‏

View this post on Instagram

مع نادين حيدر صاحبة نص عمري بالتمام والكمال رجعت للصور القديمة و لقيت ذكريات كتيييير قوي محفورة.. تاريخ حياتي من اول ما اشتغلت مذيعة مينفعش يتحكي من غير ما تبقى موجودة في كل موقف هي موجودة في كل المناسبات وغير المناسبات في كل الحكايات في الفرح والزعل والانبساط.. الدنيا بتشيلنا وتودينا واحنا موجودين بنسمع لبعض ونتركن على بعض من غير صخب ولا دوشة ولا زحمة.. من غير رسميات ولا خروجات ولا اي عيشة فيك ... حياتنا كلها بنقزقز لب بالبيجامات او باي لبس وبنحكي.. مرميين على كنبة وممددين لا متشيكين ولا فارق معانا لابسين ايه ولا هنلبس ايه لما نشوف بعض... بعيدا عن أي حسابات انا ونادين والحكايات... اول مرة قابلنا بعض كان سنة ١٩٩٨ في تدريب المذيعات براديو وتلفزيون العرب.. لبنانية مبتتكلمش مع حد قرفانه من الاكل بتبصلنا بريبة واحنا بنضرب كشري وبنهزر هزار البوابين... مش فريندلي خالص ساكتة طول الوقت وزي ما تكون جاية معانا غصب 😂 خلصت رحلتها للقاهرة وقلنالها بالسلامة والقلب داعيلك متجيش تاني بقى 🙈😂 بعدها بسنة سافرنا بيروت عشان نقدم حفل كبير وهنقعد شهر بالتمام والكمال وعندنا امال نقابل صاحباتنا البيروتيات ال مدلعات اللي دمهم خفيف اللي فاكين كده ومش مأنبين زي الاخت نادين.. نزلنا المطار لقيت نادين في استقبالنا وهي ساكتة برضه وقرفانة 🙄 محدش قالك تيجي يا ماما ايه اللي جابك؟؟ بس اللي شفته من كرم منها وحسن استقبال واستضافة لينا في بيتها واهتمام فائق الجودة لدرجة انها بتاخد هدومنا من الاوتيل تغسلها عندهم في البيت وترجعلنا الحاجة مكوية.. ولدرجة انها كانت هي ومامتها واصحابها بعربياتهم في خدمتنا أربعة وعشرين ساعة واي مشوار عاوزين نروحه مش هنحمل همه ولا هنركب ايه لان نادين موجودة خلاص نكلمها في أي وقت هي تحت الاوتيل هتعملنا اللي بنحلم بيه ... ده مبدئيا خلاني اتأكد اني حمارة في الحكم على البشر وان الناس مش بالهئ والمئ.. والهزار وتاكل عقلك بكلمتين ولا تشوفهم بعد كده.. لا هي من غير كلام اجدع ما شفت في حياتي... جت مصر واتجوزت مصري ومن ساعتها مفترقناش خلفنا تلات عيال في نفس الوقت تقريبا.. في فرحي كانت أول واحدة قبل أي حد معايا وانا بحط الميكاب.. في ولاداتي في وفاة ابويا كانت في طنطا يوم الدفن والعزا موجودة في كل مصايبي وكل افراحي... واحد وعشرين سنة في راحة نفسية مع بنت الأصول دي عمرها ما زعلتني ولا ضايقتني حبيبتي ربنا يخليكي لأولادك وحبايبك انتي من انضف وارقى الناس ومتتعوضيش يا نادوش ومش هلاقي زيك ابدا بحبك يا اغلى الصاحبات ❤️❤️❤️ كل سنة وانتي طيبة @nadine.a.haidar

A post shared by Doaa Farouk (@doaafarouk) on Aug 17, 2019 at 5:23am PDT

‏ يذكر أن دعاء فاروق تقدم برنامجًا دينيًا بعنوان "اسأل مع دعاء" ويعرض على قناة "النهار".‏

‎‎

اقرأ أيضًا:

صور- دعاء فاروق تحتفل بعيد ميلاد ابنتها ... هل أصبحت تشبهها؟

موقف دعاء فاروق من "شماتة الستات" في أحمد السعدني