ملخص تصريحات بسنت شوقي في "تفاعلكم": عملت عملية تجميل واحدة ومش بشوف لبسي جريء ومحمد فراج عمرة ما يتقبل إني أشجع الزمالك

فى حياة المشاهير

بسنت شوقي

الجمعة , 8 مارس 2024 - 11:58 | اخر تحديث: الجمعة , 8 مارس 2024 - 13:43

لو مكنتش ممثلة كان نفسي أكون طيارة أو سفيرة أي حاجة ليها علاقة بالسفر، وبعدها فكرت أكون ستايلست بس هي مهنة فيها ضغط كبير الناس بيقولي عني إني شايفة نفسي، لكن أنا شخصية خجولة وباخد وقت لحد ما أعرف الناس وملامح وشي ساعات بتدي الانطباع ده دوري في "ليه لأ" هو اللي صنع اسمي نصحيتي لنجاح الزواج هو الصبر والتفاهم والاحترام

شائعات طلاقي من محمد فراج كتيرة وكل مرة بيطلع الخبر دا بنكون مسافرين سوا في إجازة مش برد على انتقادات أن ملابسي جريئة، لكن فكرة الملابس جريئة أو لأ ليها علاقة بالذوق وتربية الإنسان اللي ممكن يكون جريء بالنسبة لناس بيكون مش جريء لناس تانية أنا مش نجمة صف أول محمد فراج أكثر شهرة مني

كل أدوار سعاد حسني نفسي أقدمها أكتر سؤال بيزعجني أي حاجة ليها علاقة بحياتي الشخصية بحس الناس متطفلة جدا بابا ممكن يتقبل أني أشجع الزمالك لكن هيبقى مستغرب لكن محمد فراج مش هيتقبل هو متطرف جدا في موضوع الأهلي والزمالك بحب كرة القدم جدا وبفهم فيها لأني من وأنا صغيرة بتفرج على الماتش لكن من بعد أحداث بورسعيد مبقتش أحب أتفرج

بشجع فريق برشلونة الإسباني من الموضوعات اللي أحب أناقشها في عمل فني هو آثار الطلاق على الأطفال أكتر دور بحبه لمحمد فراج هو "سوني" في مسلسل "هذا المساء" لو قعدت في جزيرة ومعايا 3 مشاهير وفراج مش منهم هيكونوا بيدرو باسكال وتوم هاردي وبينيبولي كروز

كتاب أنصح المهور بقرأته هو Atomic Habits "العادات الذرية" مفيش دور ندمت عليه في حاجات ندمت إني معملتهاش وفي حاجات كان نفسي أنها تتشاف أكتر بنزعج من اللي بيتقال إني أكبر من محمد فراج لأنها مش حقيقة كمفهوم أنا معنديش مشكلة وصريحة لكن دي لو حقيقة هطلع أقولها لأني فخورة بنفسي لكن اللي يزعجني أن اللي بيتقال مش حقيقي أنا متفهمة أن الناس ممكن تكون بتضايق إني بستخدم كلمات إنجليزي أكتر من العربي لكن دي البيئة اللي أنا اتربيت فيها، أنا في البيت عندي مع أهلي حتى لما بنتخانق بنتكلم بالإنجليزي، اتعودت على كده حاولت كتير وبشتغل على الموضوع لكن الناس بتتخيل إني بعمله منظرة لكن حقيقي صعب ومش شطارة مني ومش حاجة فخورة بيها، لكن في جمل بتيجي في مخي بالإنجيلزي وعشان أقعد أترجمها هاخد وقت كتير

عملت عملية تجميل واحدة في مناخيري عشان كانت اتكسرت في برنامج قبل كده اللي يعرفني أنا باخد بالي من نفسي وعامله مجهود عشان أخس مع أني بحب الأكل، الناس بتقول أني عامله عملية بحب أغنية "بسكوتاية مقرمشة" و"صباحك" لمسار إجباري اتغنت في كتب كتابي وكل مرة بسمعها بعيط بسنت شوقي

حلت الفنانة بسنت شوقي ضيفة على برنامج "تفاعلكم 25 سؤالا" وخلال اللقاء أجابت على العديد من الاسئلة منها ما يخص حياتها المهنية وما يخص حياتها الشخصية.

في البداية كشفت بسنت شوقي أنها قبل التفكير في التمثيل كانت تريد العمل في أي مهنة بها سفر مثل الطيران أو أن تكون سفيرة.

كما تحدث عن انطباع البعض عنها أنها مغرورة وقالت إنها شخصية خجولة ولا تتقرب من الناس بسهولة وهو ما قد يجعل البعض يقول عنها ذلك.

كما عبرت بسنت شوقي عن انزعاجها من حديث البعض أنها أكبر من محمد فراج عمرا، ليس للفكرة نفسها لكن لأنها غير حقيقية وهي تنزعج من أي شيء يكتب عنها غير حقيقي.

أما عن انتقادات ارتدائها ملابس جريئة قالت: "مش برد على انتقادات أن ملابسي جريئة، لكن فكرة الملابس جريئة أو لأ ليها علاقة بالذوق وتربية الإنسان اللي ممكن يكون جريء بالنسبة لناس بيكون مش جريء لناس تانية".

كما ردت على انتقادات حديثها باللغة الإنجليزية وقالت: "أنا متفهمة أن الناس ممكن تكون بتضايق إني بستخدم كلمات إنجليزي أكتر من العربي لكن دي البيئة اللي أنا اتربيت فيها، أنا في البيت عندي مع أهلي حتى لما بنتخانق بنتكلم بالإنجليزي، اتعودت على كده حاولت كتير وبشتغل على الموضوع لكن الناس بتتخيل إني بعمله منظرة لكن حقيقي صعب ومش شطارة مني ومش حاجة فخورة بيها، لكن في جمل بتيجي في مخي بالإنجيلزي وعشان أقعد أترجمها هاخد وقت كتير".