صورة- سلمى صباحي ناعية عمرو سمير: " معقول تمشي كده!"

مي جودة | فى حياة المشاهير

عمرو سمير

الخميس , 6 يوليو 2017 - 02:07

رحيل الفنان عمرو سمير جاء مفزعا لعدد كبير من أصدقائه، ومن بينهم الفنانة سلمى الصباحي التي شاركته أولى خطواتهما الإعلامية في برنامج "شبابيك" عبر شاشة "دريم".

وعبرت سلمى عن حزنها لرحيل صديقها بكلمات مؤثرة عبر حسابها بموقه Facebook، وكتبت: "عمرو .. يابو ضحكه جنان مابتفارقش وشك .. يابو قلب طفل بكل براءته وطيبته و عناده وغضبه و سذاجته وصراحته .. دايما كنت باعتبرك اخويا الصغير وعشان كده انا وانت كنا قريبين وماكناش بنتخانق.. كنت بتشترك معايا في حب فيروز وكنت بتحب صوتي و لما كان يبقى عندي حفله تختار معايا هاغني ايه لفيروز وتطلع في البرنامج تقول سلمى عندها حفله يوم الجمعه وكلنا هانكون هناك وهانستناكو .. كانوا الناس بييجوا عشان يشوفوك يا عمرو 😔 كنت جاري وكتير كنت بتوصلني بعد البرنامج و انت اللي علمتني اقول اذكار المساء و احنا مروحين في الطريق كنت تقول وانا اقول وراك😔 كنت بتحب الحياه اوي يا عمرو معقول تمشي كده!
يا عمرو الناس كلها بتحبك وبتدعيلك و حزينه اوي عليك .. ربنا يرحمك رحمه واسعه على أد قلبك الطفل وتكون في الجنه يارب ..
شبابيك من غيرك قلّ كتير ،، والدنيا من غيرك بهجتها هاتقل يا عمرو .. مع السلامه ياخويا
اختك سلمى".

وكان توفي عمرو سمير إثر سكتة قلبية، أثناء تواجده بإسبانيا في رحلة استجمام.

اقرأ أيضا

6 معلومات عن الراحل عمرو سمير

ليلى علوي تنعي رحيل المذيع عمرو سمير بهذه الكلمات
وفاة المذيع الشاب عمرو سمير