مي كساب تدافع عن محمد علي بطل فيلم "البر التاني" بعد الهجوم عليه

يارا عماد | فى حياة المشاهير

مي كساب

الجمعة , 25 نوفمبر 2016 - 22:11 | اخر تحديث: الجمعة , 25 نوفمبر 2016 - 22:11

ساندت الفنانة مي كساب الممثل الشاب محمد على بطل فيلم "البر التاني" بعد الهجوم عليه لعدة أسباب ومنها مشاركة فيلمه في مهرجان القاهرة السينمائي في دورته الـ38 إلى جانب أن إنتاج الفيلم من أمواله الخاصة.

ونشرت مي عبر صفحتها الشخصية على موقع التواصل الاجتماعي Facebook رأيها حول الهجوم على محمد علي.

وكتبت: "بصراحة موضوع محمد علي مستفز جدا جدا وخلاني افتكرت وفكرت في حاجات كتير قوي احنا أكتر ناس عندنا شيزوفرنيا وتناقض وازدواجية اه والله واحد انتج بفلوسه هوه وصرف كتير جدا عشان يعمل فيلم جامد مش فيلم تافه ولا فيه إسفاف بالعكس اختار موضوع مهم وحساس وعاوز يمثل بفلوسه".

وتابعت: "انت مالك ايه اللي حارق حضرتك اخد من قوتك اخد من رزقك انتو عالم غريبة قوي ما تشجعوه عشان ينتج تاني وتالت وان كان عنده غلطات وجهوه من غير ما تتفزلكو على أمه وانت مين ونورماندي وأي هري ويقولك ازاي يدخل المهرجان ايوه مايدخلوش ليه يعني ايه مبروك".

واضافت: " المهم ان هما دول نفس الناس بيصقفو للباطل كتير وبيسكتو على مهازل بتحصل مش طبيعية مخرج مش مخرج وممثلة مش ممثلة وتكريم من غير تكريم وشلة بتشغل شلة وموهبين كتير مش واخدين حقهم وهما هما الناس دول شايفين كل ده وساكتين وبيصقفوله كمان لكن ازاي لازم بقى شوية الفزلكة الفاضية عشان الولد طيب ومالوش ضهر جت عليه".

واختتمت: "والنبي بصو حواليكم وراعوا ضمائركم شوية هتلاقو 50 ألف حاجة غلط وبتصقفولها وبتنافقو عشان مصالحكم يوووووووه ده الواحد لو أتفتح فيكم مش هيسكت لنا الله".

فليم "البر التاني" شارك في المسابقة الرسمية بمهرجان القاهرة السينمائي في دورته الـ38، ويحكي قصص مجموعة من الشباب المصري بعد خروجهم من قراهم الفقيرة في الريف المصري، حيث جمعت بينهم محاولة الهجرة إلى إيطاليا بدون وثائق رسمية على متن سفينة صيد متهالكة، وعلى أضواء الساحل الإيطالي تشتعل آمالهم في حياة أفضل لهم ولذويهم، بينما تتلاعب بهم أمواج غادرة.

"البر التاني" من بطولة محمد علي، بيومي فؤاد، عبد العزيز مخيون، محمد مهران، عمرو القاضي، عفاف شعيب، خالد النجدي وحنان سليمان، وهو من تأليف زينب عزيز وإخراج علي إدريس.

اقرأ أيضا

مي كساب تبارك لعمرو يوسف وكندة علوش عقب عقد قرانهما

مي كساب تتضامن مع تامر حسني بصورة قديمة لها قبل الشهرة

بالصور- الحمل لم يمنع منى زكي ومي كساب من حضور عزاء محمود عبد العزيز