علق الممثل أحمد زاهر على الأخبار التي انتشرت حول أسماء النجوم الذين تم دعوتهم لحضور حفل افتتاح مهرجان القاهرة السينمائي في دورته الـ 38 ولكنهم لم يلبوا هذه الدعوة، وذلك نقلا عن مصدر من داخل إدارة المهرجان.
ووضح أحمد زاهر أسباب عدم حضوره حفل افتتاح المهرجان زاهر عبر صفحته الشخصية على موقع التواصل الاجتماعي Facebook وكتب:
"طيب بما ان المصدر بيسيح و بيفضح الفنانين اللي ماراحوش فمن حقي أني أدافع عن نفسي اولا انا كان عندي تصوير في نفس اليوم في ديكوري و مفيش مشهد من غيري في استوديو المغربي وبيتهيالي تقدروا تتاكدوا من ده وحاولت اأجله معرفتش طب اعمل ايه".
"و ثانيا بصراحه مش مقتنع أني أكون سعيد ولابس ومتشيك وبضحك قدام الكاميرات والناس عشان مهرجان بلدي وانا اصلا حزين ومتدمر عشان وفاه الفنان محمود عبدالعزيز وتاني يوم أكون في العزاء حزين ومتاثر ايه التناقض ده".
"انا معرفش أكون متناقض يعني حتي لو مكانش عندي تصوير مكنتش قدرت اروح لاني مابعرفش أكون متناقض واكيد زملائي كان عندهم ظروف برضه لان اكيد نتمني جميعا الحضور وتدعيم مهرجان بلدنا".
"وعلي فكره أنا مش بلوم اي حد من زمايلي اللي راحوا المهرجان مهو لازم ناس تروح وتدعم المهرجان و كون عندها القدره علي انها تفصل و لكن انا بتكلم عن نفسي انا اللي مقدرش هي قدرات وللأسف القدره دي مش عندي و عموما الف مبروك لافتتاح مهرجان بلدي واتمني له كل النجاح و التوفيق و الازدهار".
وأقيم مساء الثلاثاء 15 نوفمبر الجاري، حفل افتتاح مهرجان القاهرة السينمائي الدولي في دورته الـ 38، والتي تم إهدائها للفنان الراحل محمود عبد العزيز.
وستستمر فعاليات المهرجان في الفترة من 15 إلى 24 نوفمبر الجاري.
اقرأ أيضا
أحمد زاهر ينشر صورة لابنتيه الصغار منى ونور
صورة- ليلى أحمد زاهر تفاجئ والدها بتواجدها في موقع تصوير "اختيار إجباري"
صورة - أحمد زاهر برفقة كريم فهمي وخالد سليم في كواليس "إختيار إجباري"