تعرف على رسالة المخرج محمد دياب لأبطال فيلمه "اشتباك"

محرر FilFan | فى سينما وتلفزيون

نيللي كريم في فيلم "اشتباك"

الأربعاء , 6 يوليو 2016 - 13:07 | اخر تحديث: الأربعاء , 6 يوليو 2016 - 20:07

حرص المخرج محمد دياب على توجيه رسالة إلى أبطال فيلمه السينمائي الجديد "اشتباك" بعد طرح الإعلان التشويقي الأول للفيلم.

وكتب دياب عبر صفحته بموقع Facebook: "تريلر الفيلم نزل وعاجيني وعامل شغل هايل مع الناس بس مش عارف أنام بسببه! الفيلم فيه أكتر من ٣٠ ممثل رئيسي وكان مستحيل يطلعوا كلهم في التريلر لأسباب متعددة... الناس دي اوعدكوا هتنبهروا بيهم لما هتشوفوهم ومجهودهم هفضل شايله ليهم طول عمري ورغم إن التريلر (إعلان الفيلم) بتبقى من اختصاص الإنتاج بس برضه حاسس بمسؤولية، بس اللي مطمني إن كل واحد منهم واخد حقه بشغله ومجهوده اللي باين في الفيلم وقريب قوي كل الناس هتشوف وهتديكوا حقكوا وزيادة".

وتابع: "مثال: محمد علاء (جاميكا) الممثل العبقري اللي عمره الحقيقي في التلاتينات وعامل دور واحد في الخمسينات محدش بيشوف الفيلم بيخطر علي باله إن ده هو نفس الشخص، وغيره أمثله زي عبقرية جاميكا مش هخلي الفيلم ينزل من غير ما تاخد حقها من الدعاية، عاوز أقول لكم حاجه تستحقوها... مبروك عليكوا تريلر الفيلم بتاعكوا يا أبطال #‏اشتباك‬".

يشار إلى أن فريق التمثيل بالفيلم يضم نيللي كريم، طارق عبد العزيز، هاني عادل، أحمد مالك، أشرف حمدي، محمد عبد العظيم، جميل برسوم وآخرين.

شاهد الإعلان التشويق لفيلم "اشتباك"

اقرأ أيضا
محمد دياب عن عدم فوز "اشتباك" في "كان": "كان نفسي أفرح الناس.. شعرت أنني محمد صلاح"
التعاقد مع 10 شركات عالمية لتوزيع فيلم "اشتباك" في أوروبا وآسيا
اختيار "اشتباك" ضمن أفضل أفلام مهرجان كان السينمائي بموقع "هوليوود ريبورتر"