نيللي كريم متضامنة مع #أحمد_مالك: فجأة بقيتوا ربنا! .. هشتغل معاك تاني وخامس

هبة البنا | فى حياة المشاهير

نيللي كريم مع أحمد مالك

الجمعة , 29 يناير 2016 - 14:01 | اخر تحديث: السبت , 30 يناير 2016 - 01:01

أبدت الفنانة نيللي كريم تضامنها مع الفنان الشاب أحمد مالك في أزمة "الفيديو المسيء للشرطة" والتي أثيرت مؤخرا وتسببت في هجوم العديد من الفنانين عليه وصل إلى حد مطالبة بعضهم بشطب اسمه من النقابة.

وقالت نيللي عبر صفحتها الرسمية على موقع التواصل الاجتماعي Facebook، "معلش أنا اتاخرت على كلامي عن أحمد مالك اللي بعتبره زي ابني دي صورة من فيلم "اشتباك " اللي قعدنا نصور فيه شهور وكلنا مع بعض في عربية ترحيلات وشرط الفيلم دا إن كان لازم نكون مع بعض طول الوقت".

واستكملت "سيبك إن أحمد فنان موهوب و ليه مستقبل كبير علشان هو فنان حساس وصادق، أهم شيء إن هو إنسان حقيقي يعني صادق بيعمل اللي بيحسه، أحمد غلط واعتذر، طيب انتم ما فيش حد فيكم غلط قبل كدا مفيش حد من عيالك وأخواتك أو أصحابك غلط قبل كدا، كلكم فجأة بقيتوا ربنا".

ثم دعت نيللي متابعيها لإعادة التفكير قائلة "ما تفكر دقيقة قبل ما تحاكم حد اقعد مع نفسك واستغفر ربنا قبل ما تكتب كلمة عن حد ما تعرفوش، بجد يا ساتر عليكم يا ناس.

ثم وجهت كلامها لأحمد مالك قائلة "أحمد أنا سعيدة إني اشتغلت معاك وأنت عامل دور جامد في فيلمك الجديد "اشتباك" وإن شاء الله نشتغل مع بعض تاني و خامس".

معلش انا اتاخرت علي كلامي عن احمد مالك الي بعتبرة زي ابني دي صورة من فيلم "اشتباك " الي قعدنا نصور في شهور و كلنا مع بعض...
Posted by Nelly Karim on Friday, January 29, 2016

وكانت الصفحة الرسمية لنقابة المهن التمثيلية نشرت قرارا بوقف الممثل الشاب أحمد مالك عن التمثيل بوقف التصريح الممنوح له والذي كان يعمل بموجبه، إضافة إلى تحويله للتحقيق، مشيرة إلى أنه لم يكن عضوا بالنقابة، وإنما كان يعمل بتصريح.

أتى القرار بعد انتشار مقطع فيديو ظهر فيه أحمد مالك وشادي أبو زيد مراسل برنامج "أبلة فاهيتا لايف من الدوبلكس"، وهما يسخران من جنود قوات الأمن المركزي.

وقام مالك وشادي في الفيديو، باستعمال "أوقية ذكرية" وملئها بالهواء لتشبه البالونات، وكتابة عبارات لذكرى 25 يناير وعبارة "هدية الشباب إلى الشرطة"، وتقديمها لأفراد الأمن المركزي، والتقاط صور معهم.

ولم يبد في الفيديو أي استياء على وجوه الجنود الذين لم يفطنوا إلى طبيعة "البالونات".

وتسبب الفيديو في قيام عدد من الممثلين باتخاذ مواقف مهاجمة لمالك، بينما تضامن بعضهم معه.

بالفيديو- بسبب #أحمد_مالك.. أحمد بدير يطالب بحذف مشاهده في فيلم هيبتا
بالفيديو- حسن يوسف: "طلبت من نقيب الممثلين يا يشطبني يا يشطب #أحمد_مالك من النقابة"
صورة- ناهد السباعي تعليقا على موقف أحمد بدير من التمثيل مع #أحمد_مالك: "اعتبره أخوك الصغير يا أخي"
أحمد مالك يعتذر عن فيديو "الأوقية الذكرية" بعد قرار إيقافه عن التمثيل
أبرز تعليقات رواد Twitter عن #أحمد_مالك بعد انتشار "فيديو الأوقية الذكرية"
أمير طعيمة يهاجم #أحمد_مالك بسبب واقعة "الواقي الذكري"
والد #أحمد_مالك عما فعله ابنه: "اللهم احم مصر من السفهاء"
محمد حفظي: #أحمد_مالك انتهى من تصوير مشاهده في هيبتا قبل إيقافه.. وعليه الاعتذار
٥ أفلام استخدم فيها الواقي الذكري للدعابة
أبلة فاهيتا تتبرأ من مراسلها "شادي أبو زيد" بعد فيديو "الأوقية الذكرية"