Twitter عن تقديم حسن حسني لإعلان ملابس داخلية: "فقد وقاره.. وهي قطونيل ماسكة عليه ذلة؟"

خالد طه | فى سينما وتلفزيون

حسن حسني في إعلان "قطونيل"

الاثنين , 22 يونيو 2015 - 21:10 | اخر تحديث: الاثنين , 22 يونيو 2015 - 22:08

يبدو أن الفنان حسن حسني لم يتعلم الدرس من النجم الكوميدي هاني رمزي، بعد ما لاقاه من هجوم عنيف بسبب مشاركته في إعلان ماركة الملابس الداخلية "قطونيل" في رمضان 2014.

فمنذ أن طرح الإعلان الجديد والكامل لحسن حسني عن "قطونيل" في شهر رمضان، قوبل بهجوم عنيف وساخر من جانب مستخدمي موقع Twitter للتواصل الاجتماعي.

شاهد إعلان حسن حسني لـ "قطونيل"

واستنكر البعض قبول فنان كبير في قامة حسن حسني لتقديم إعلانا للملابس الداخلية، واعتبروا أن إقدامه على هذه الخطوة هو إهدار لتاريخه الفني الطويل، خصوصا وأنه يظهر في نهاية الإعلان وهو يمسك "بوكسر" بين يديه.

انا بالنسبالي حسن حسني فقد وقاره بعد الإعلان دا .. 😂

— Nayera (@NayeraAbdlBaset) June 22, 2015

حسن حسني ازاي سخيف كدا في اعلان قطونيل؟

— لَيْليَّ♕ (@LailaHeader) June 22, 2015

حسن حسني اعلانات كوتونيل انت عديت ال 80 سنة يا راجل

— 3mad (@emadosman94) June 20, 2015

حزين والله إن حسن حسني بيهزق نفسه كده والله ...

— فسح السحليه و إبسطها (@hameed_farouq) June 22, 2015

يا خسارتك يا حسن يا حسني والله .

— ㅤHany Monir (@HanyMonir4) June 22, 2015

فيما فسر البعض الآخر من مستخدمي Twitter تقديم حسن حسني لإعلان "كوتونيل" للملابس الداخلية هو مروره بضائقة مالية شديدة.

هو تقريباً حسن حسني يا متعسر مادية يا كوتونيل ماسكين عليه ذلة.

— Yara ElAshmawy (@YaraElashmawy96) June 22, 2015

يا جدعان انا حسن حسني صعبان عليا اكتر من مريم اللي عايزة تزرع قوقعة عشان تسمع و بيبو اللي مستني يعمل عملية في قلبه عشان يلعب كورة.

— Gasser Gelgel (@Gwesome) June 22, 2015

جماعة انتوا ايه اللي يعرفكوا ان حسن حسني مش محتاج فلوس؟ مش ممكن يكون بجد محتاج فلوس واضطر يعمل الاعلان؟ وهو راجل، يعني بيصرف علي ناس.

— حوزومبُل (@TheEtchHandle) June 22, 2015

هو حسن حسني قطونيل مسكين عليه وصلات امانة ولا ايه!

— أَميرةْ (@amira_ao) June 22, 2015

وكان هاني رمزي تعرض لحملة هجوم شرسة في رمضان 2014، بسبب إعلانه لشركة "قطونيل"، ولكنه فسر ذلك الهجوم وقتها قائلا: "الألفاظ والتعبيرات المستخدمة في النقد التي رأيتها عبر الإنترنت تؤكد أنهم إخوان، مثل (داهية فيك وفى الكبير بتاعكم)، فأنا أعرف جيدا كيف أفرق بين الناس العادية والإخوان". (هاني رمزي: حملة الهجوم على إعلاني لـ "قطونيل" من تدبير الإخوان)