حمزة نمرة في أول تعقيب بعد منع "الموسيقيين" له: "أشوفكم الحفلة الجاية والله أعلم"

خالد طه | فى موسيقى وحفلات

حمزة نمرة

الثلاثاء , 24 فبراير 2015 - 09:11 | اخر تحديث: الثلاثاء , 24 فبراير 2015 - 09:11

شكر الفنان حمزة نمرة نقيب الموسيقيين الفنان مصطفى كامل على دعمه له بعد قرار النقابة بمنعه من الغناء، كما عبر عن حبه لكل جمهوره، وتمنى أو يكون عند حسن ظنهم دائما.

وقال "نمرة" في بداية سلسلة تغريدات أطلقها عبر حسابه على Twitter، في أول تعقيب منه على أزمة منع نقابة الموسيقيين له من الغناء: "أنا بأشكر كل حد وقف جنبي في اللي حصل ده، مافيش حاجة هتقدر تعبر عن حبي ليكم يا جدعان، أنا ربنا كرمني بيكم ويارب دايماً أفضل عند حسن ظنكم".

أنا باشكر كل حد وقف جنبي في اللي حصل ده..مافيش حاجة هتقدر تعبر عن حبي ليكم يا جدعان..أنا ربنا كرمني بيكم ويارب دايماً أفضل عند حسن ظنكم 1
— Hamza Namira (@HamzaNamira) February 23, 2015

وتابع: "كل واحد رغم اختلافه معايا مامنعوش الاختلاف إنه ينصفني، أنتم على راسي من فوق والله".

وكل واحد رغم اختلافه معايا ما منعوش الاختلاف إنه ينصفني..أنتم على راسي من فوق والله 2
— Hamza Namira (@HamzaNamira) February 23, 2015

وحرص حمزة نمرة بعدها على شكر نقيب الموسيقيين مصطفى كامل على دعمه له قائلا: "أشكر أ.مصطفى كامل لتوضيحه موقف النقابة، وده أفضل رد ع الكلام العجيب اللي اتقال عني الأيام اللي فاتت اللي مالوش أي أساس من الصحة".

وأشكر ا/مصطفى كامل لتوضيحه موقف النقابة.وده أفضل رد ع الكلام العجيب اللي اتقال عني الأيام اللي فاتت اللي مالوش أي أساس من الصحة 3
— Hamza Namira (@HamzaNamira) February 23, 2015

وكان مصطفى كامل وصف قرار إيقاف حمزة نمرة بأنه "تصرف همجي من عضو مجلس إدارة"، وقال: "أرفض المزايدة، وسبق أن رفضت قرار إيمان البحر درويش، النقيب السابق، بإيقاف شيرين عبدالوهاب، ولا يجب صدور قرار الشطب بشكل فردى، أو دون اجتماع مجلس النقابة". (مصطفى كامل يتبرأ من شطب حمزة نمرة من نقابة الموسيقيين)

وتابع حمزة نمرة: "ربنا يعلم أنا عمري ما غلطت في حق حد ولا أسأت لحد، حتى لو حد ظلمني، بأسكت وما بأدخلش في أي سجالات أو معارك لأن دي طبيعتي، اللي هيبقى للإنسان هو السمعة الحسنة، ربنا يكتبها لنا جميعا".

وربنا يعلم أنا عمري ما غلطت في حق حد ولا أسأت لحد..حتى لو حد ظلمني..بأسكت وما بأدخلش في أي سجالات أو معارك لأن دي طبيعتي 4
— Hamza Namira (@HamzaNamira) February 23, 2015

وردا على تطبيق قرار نقابة الموسيقيين بمنعه من الغناء قال حمزة نمرة في آخر تغريداته: "وأخيرا..أنا مستمر في تقديم الفن اللي أنا بحبه.. ومستمر في تقديم الحفلات.. وأشوفكم الحفلة الجاية والله أعلم".

وأخيرا..أنا مستمر في تقديم الفن اللي أنا بحبه.. ومستمر في تقديم الحفلات.. وأشوفكم الحفلة الجاية والله أعلم :D
— Hamza Namira (@HamzaNamira) February 23, 2015

وكان أحمد رمضان، سكرتير نقابة المهن الموسيقية أكد أن قرار النقابة بشطب المطرب حمزة نمرة يرجع لأن أغانيه تستخدمها القنوات المؤيدة لجماعة الإخوان المسلمين، كما استشهد بصورة لحمزة وهو يشير بعلامة رابعة الشهيرة. (التفاصيل)

حمزة نمرة مصطفى كامل