كايروكي - آخــــــــــــر أغنيــــــــة Cairokee- Akher Oghneyaon Saturday, March 12, 2016
طرح فريق "كايروكي" الغنائي أغنيته المصورة الجديدة التي تحمل عنوان "آخر أغنية".
ونشر الفريق أغنيته المصورة عبر صفحته الرسمية على موقع Facebook، مساء السبت 12 مارس.
الأغنية من كلمات أمير عيد وألحان وتوزيع كايروكي وإنتاج موسيقي وميكسنج شريف مصطفي وتصوير معتز إبراهيم وتسجيل محمد صقر وأستوديو ليلة ورؤية ومونتاج محمود السيد.
وتقول كلمات الأغنية: حرية اسمع مني المفيد عاهات كتير وتقاليد المجتمع اجتمع ضد التجديد فكر الناس تعبان عيان ومريض ابحث معايا ودور عالمستفيد، المستفيد هو المتحكم فيك اللي ممشيك جنب الحيط بيجيبك ويوديك سيطر عليك حابسينك جوه نفوخك قضبان السجن خوفك بتخاف تفكر بحريه لحد يشوفك كلامي مش ضد النظام فقط كلامي ضد العبيد كمان لو ميت ألف نظام سقط هنفضل برضه في نفس المكان في حاجات وتساؤلات وعادات بقت عاهات وتقاليد محتاجة تجديد والتاريخ عمال يعيد في حرب ضد الحرية والحرية دايما ممنوعة كل العقول الرجعية كلمتهم هي المسموعة اتربينا علي أن الحيطان ليها ودان طب انزل بالمزيكا سمعهم بالفم المليان لو دي آخر أغنيه ليا هفضل اغني عن الحرية قولوا معايا بصوت عالي حرية حرية يعني تغير يعني حرية في التفكير والتعبير حرية يعني اختيارك مش اختيار الغير صراع أجيال عالمكشوف أصبح عيني عينك عاوزينك تمشي علي خط سيره ممش خط سيرك الكبير عاوز يعيش في الماضي وعالحاضر يسيطر بيفكروني باعلان اسكنشايزر مهما تتكلم صوتي مش مسموع كلامي دايما بالنسبة لهم فارغ وممنوع سبني أحلم حلم جديد وخارج عن المألوف مش عاوز امشي في قطيع زي الخروف بلدنا شابه يعني اغلبها من الشباب قتلتوا فيه الولاء وقفلتوا في وشه الأبواب عندنا أحلام كتير اديني فرصة أسوق أنا كل هدفي اشوف بلادي فوق رقم سبعة ممكن يبقي تمانية لو بصيت عليه م الناحية التانية لو دي آخر أغنيه ليا هفضل اغني عن الحرية قولوا معايا بصوت عالي حرية قال ‘يه بيقولوا عليا خايف اركن ياض علي جنب وحط احمر شفايف عملت ثورة جوايه ولسة مستمرة الحلم عايش معايا كلمتي لسة حرة غنيت في كل العهود وكنت الصوت ساعة ما يحبوا الدنيا سكوت الحرية يعني تضحية واختبار وأنا قد المسئولية وللاخر هكمل المشوار أنا مش لوحدي أنا فكرة زي البذرة هتدفنوها هتطرح بكره عمري ما هبيع أحلامنا و الشهيد اللي سبقنا خدني علي سجنك خليني اشوف شبابنا الرجالة بحق في السجون ساكنة لو دي اخر أغنية ليا هفضل اغني عن الحرية قولوا معايا بصوت عالي حرية.