"الليل وأخره" .. أبو يطلق أول فيديو كليب يجمعه بـ حنين الشاطر

فى موسيقى وحفلات

الأحد , 13 سبتمبر 2026 - 17:27

في أول تعاون يجمعه بالمطربة حنين الشاطر والملحن عزيز الشافعي، أطلق المطرب أبو، ديو غنائي جديد بطريقة الفيديو كليب عبر قناته الرسمية على موقع "يوتيوب" بعنوان "الليل وأخره".

أغنية "الليل وأخره"، من كلمات وألحان عزيز الشافعي، توزيع النابلسي، ميكس وماستر هاني محروس.

أما الفيديو كليب فهو من إخراج ريم عيد، ومدير التصوير كريم مارولد، مصممة الأزياء عهد عيسى، ومن إنتاج شركة ليل، وتم تصوير الكليب بإحدى قرى الساحل الشمالي.

وجاءت كلمات الأغنية كالآتي:

كلمة بحبك مش كفاية عليك
وما فيش كلام يوصفلك الإحساس
وانت قصادي بس بسرح في عينيك
بنسى إن في في الدنيا غيرك ناس

أنا عايز أقولك اللي ما اتقالش
وأعمل في حبك اللي ما حصلش
الناس تنام بس إحنا ما ننامش
للصبح هنا وياك

الليل وأخره، الليل وأخره
إحنا بتوع الليل وأخره
ولا يحلى ليل من غير قمري
أنا عايز أعيش جنبك طول عمري

من حقي وانت معايا أتباهى بيك
وأقول حبيبي ده حبيبي يا ناس
كل الحنان والحب شايفاه فيك
وباقي إيه على الجنة تاني خلاص؟

أنا عايز أقولك اللي ما اتقالش
وأعمل في حبك اللي ما حصلش
الناس تنام بس إحنا ما ننامش
للصبح هنا وياك