مسلم يطرح "لم ينجح أحد إلا أنا" من فيلم "برشامة"

فى سينما وتلفزيون

الخميس , 9 أبريل 2026 - 21:04

طرح المطرب مسلم عبر موقع يوتيوب أغنية "لم ينجح أحد إلا أنا"، من فيلم "برشامة"، الذي يعرض حاليا في السينما.

الأغنية كلمات حازم إكس، وألحان أردني، وتقول كلماتها:

"إلى جميع كاميرات المراقبة
اللي متابعاني ومراقبة
يا حبة تلاميذ علي طلبة
اتعلموا من الأستاذ

ما بلاش تركزوا معايا
علشان هتتعبوا معايا
و تروحوا تحجزوا في عناية
تتسندوا على عكاز

أنا لوحدي في حتة لوحدي
اكمني سابق ومعدي
تتقمصوا كده تضايقوا كده
مش ذنبي انكو مش قدي

أنا لوحدي في حتة تانية
نمرة أولى يا درجة تانية
بتغيروا بقى معلش بقى
والله صعبتوا عليا

لم ينجح أحد إلا أنا
لم يفرح أحد إلا أنا
لو في امتحان الجدعنة
كلكو هتعيدوا السنة

لم ينجح أحد إلا أنا
لم يكسب أحد إلا أنا
عاملين عالم غلبانة
يا أوائل في النفسنة

أنا سابق ومحدش لاحق
أنا الاول وإنتو ملاحق
مركزكو تاني طب حاولوا تاني
برضو هفضل عنكو فارق

أنا بطولي بيكم كلكو
و على وضعي يا على قدكو
اللي بيجز خليه يجز
بس جزوا على مهلكو"

يذكر أن فيلم "برشامة" بطولة: هشام ماجد، وريهام عبد الغفور، مصطفى غريب، وحاتم صلاح، وباسم سمرة، وفدوى عابد، وكمال أبو رية، وعارفة عبد الرسول، ووليد فواز، وفاتن سعيد، وميشيل ميلاد، ومحمد أبو داود، تأليف خالد دياب وشيرين دياب وأحمد الزغبي، وإخراج خالد دياب، وإنتاج "سكاي ليميت" و"فيلم سكوير".