مسلم يطرح أغنيته الرابعة "على كل حال" من ألبوم "واحشاني"

فى موسيقى وحفلات

الخميس , 2 أبريل 2026 - 19:40

طرح المطرب مسلم، على اليوتيوب، وجميع المنصات الرقمية، ومحطات الراديو، أغنيته الجديدة "على كل حال" بطريقة الـ AI Music Visualizer "، وهي الأغنية الرابعة وتأتي استكمالا لأغنيات ألبومه الجديد الذى يحمل عنوان "واحشاني".

ويضم الألبوم 10 أغنيات متنوعة، بها أنماط وأشكال موسيقية مختلفة.

أغنية "على كل حال"، كلمات زياد ياسر، وألحان مصطفى يسري، وتوزيع موسيقى، وميكس وماستر، تيام طارق، وهى من توزيع شركة "ديجيتال ساوند".

يقدم مسلم فى أغنية "على كل حال" دراما عاطفية، ويتناول من خلالها فكرة الاختلاف بين حبيبين، بعدما قرر أحدهما الانفصال، وفضل البعد وعدم تكملة المشوار، فما كان من الطرف الآخر إلا الاستجابة للبعد والفراق، والتأكيد على أن الكرامة تعلو على كل شيء.

يذكر أن مسلم كان قد طرح منذ أيام أغنية "سحابة صيف"، كلمات، محمود عادل، وألحان كريم نيازي، وتوزيع موسيقى، وميكس وماستر إسلام الأزرق، وأيضا طرح أغنية "بنلف وندور"، كلمات، وألحان مسلم، وتوزيع موسيقى، مهيب سليط، وأيضا أغنية "ماتتحبيش"، كلمات،حسام سعيد وألحان عمرو الشاذلي، وتوزيع موسيقى، وميكس وماستر، محمد ياسر.

وتقول كلمات أغنية "على كل حال":

"على أي حال خليني أشوف وشك بخير
مش هسألك هو إنت يعني سايبني ليه
ومادام فراقنا دا اختيارك مش هحاول
مش همنعك لو ماشي، إمشي أعملك إيه
و على كل حال بعد النهاردة ماليش حبيب
بطل تمثيل وخلصنا أنا مش صعبان عليك
ودا مني روح طمن قلبك من غير جمايل
ماتخافش على اللي بينا أكيد سرك في بير

أيام وهنسى طبيعي بالأيام
وكام يوم يعني وأعرف انام
هتيجي في بالي صدفه أكيد
معقول عايز تبعدني وأمسك فيك
هقل كرامتي يعني أنا بيك
مادام هتسيبني عادي هسيب

بعد الفراق دا مفيش كلام هيفيد بشيء
وصلت بإيديك تقفل بابي اللي فتحته ليك
وماتشيلش هم انساني وروح كمل حياتك
وجع الغياب أنا قلبي متعود عليه
وأكيد مش هقدر أشيل من قلبي الذكريات
بس أوعدك لا أفتحها يوم ولا أحن ليك
وإياك تفكر أني تاني هكون معاك
طبعك برخيص بتبيع اللي كان يوم شاريك"