حمزة نمرة يغني "نص عايش" لمسلسل "النص التاني"

فى موسيقى وحفلات

الجمعة , 6 مارس 2026 - 16:03

يشارك النجم حمزة نمرة في غناء تترات مسلسلات رمضان 2026 بمسلسل "النص التاني".

قدم حمزة نمرة أغمية "نص عايش" للمسلسل، من كلمات محمود فاروق، وألحان أحمد زعيم، وتوزيع عمرو الخضري.

وجاءت كلمات الأغنية:

الدنيا برّاك زحمة لكن

جوه منك هس هس

نص أبيض نص داكن

وانت تشبه أي نُص

جوه منك نور وضلمة

شبر فاضي وشبر زحمة

قسوة بتعاند في رحمة

بص جواك حتى بص

حب نفسك للنهاية

حبها في كل الحالات

كلنا قصاد المراية

أسئلة ناقصة إجابات

مهزوزين ومافيش ثبات

محبوسين جوه حكايات

أيوه قلبي زي قلبك

نص عايش نص مات

مرة شر ومرة خير

مش عارفلك خط سير

إمتى بقى ترتاح يا طير

يلي خدت العمر لف

الشيطان ضلك غواك

وربنا دلك هداك

جواك نجاه جواك هلاك

بشر يا صاحبي مش ملاك

يذكر أن مسلسل "النص تاني" من بطولة أحمد أمين وأسماء أبو اليزيد وبسمة وصدقي صخر وميشيل ميلاد ودنيا سامي ووعبد الرحمن محمد، كما يظهر حمزة العيلي كضيف شرف.