محمد منير وويجز يطرحان كليب أغنية "كلام فرسان"

فى موسيقى وحفلات

الثلاثاء , 18 نوفمبر 2025 - 19:07

طرح "الكينج" محمد منير والرابر الشهير ويجز فيديو كليب أغنية "كلام فرسان".

أغنية "كلام فرسان" من كلمات ويجز وأمير طعيمة، وتقول كلماتها:

(ويجز)

"أنا جدع، أنا أناني
وطيّبتي مش عاجباني
خلق منافقاني
سانداني خِلّاني
‫أنا لا Mamy ولا، ولا Daddy
ولا يعممني الحاوي
أنا دي الملَكة وده لساني
وفلوسي مش عاملاني

(ويجز)

مين يدوسوا علينا؟
ولا ما تنساش ولا عاش ولا كان ولا قل مزاجي
ده كلام فرسان، ده سلام لا سلاح ولا وهم معاني
عينيا شايفاهم ويتوهوا مني وألاقيهم
يصغروا في عينيا، صبور ع الدنيا وراضي بيهم

(محمد منير)

في ناس جوة قلبهم دفا
وقلوب ليه بتجرح في الخفا؟
والعين بتبين إيه جوة
إن كان غدر وإن كان وفا
دور ع الحلوين
أصل الصاحب ساحب
فكر يوم وإتنين
قبل ما مرة تصاحب

في ناس تشبه لنا
دول أولى بحبنا
واللي ماليهم غِل
ناس ولا تهمنا

(ويجز ومحمد منير)

الناس تهوى في منظرة
الناس جروا جري على المصلحة
الناس نسوا وأنا أسامح وأنسى
يا إبني، إمشي المشي اللي يشرفك
‫
يا ماشي في البطّال، تفضل عينيك سهرانة
بين الحديد والنار ما فيش إيدين حاضنانا
يا دنيا، ليه بتصعبي؟ عليا بتصعبي
وفي ملاهي الضعف بتقسي وبتضربي

(محمد منير وويجز)

الدنيا فيها وفيها
وأنا ما بنساش مين باع، مين كان دايمًا بيراعي
ده كلام فرسان وما حدش يوم يلوي لي دراعي
عينيا شايفاهم ويتوهوا مني وألاقيهم
يصغروا في عينيا، صبور ع الدنيا وراضي بيهم"