عمر كمال يطرح كليب "قرار غلط" من ألبوم "رهان كسبان"

فى موسيقى وحفلات

الأحد , 16 نوفمبر 2025 - 18:57

طرح المطرب عمر عبر قناته الرسمية بموقع يوتيوب أحدث أعماله الغنائية "قرار غلط" من ألبوم "رهان كسبان"، بطريقة الفيديو كليب.

أغنية "قرار غلط" كلمات عزيز الشافعي، ألحان وتوزيع نادر حمدي، وتقول كلماتها:

"كان قرار غلط .. لما سبتك
كان قرار غلط .. كان عبط
كنتى أحلى حاجة فى الحياة دى حصلت
حالى بيكى إنتى أتعدل واتظبط

يظهر إنى مش وش نعمة
ما اللي يفرط فى الجمال ده يبقى أعمى
كان اتقطع لسانى ولا قولت كلمة
تزعلك ده انتى فى سمايا أعلى نجمة

كنتى ضحكة بعد حزن
كنتى فرحة بعد عمري
كنتى حلو بعد مر كنتى رزقي
نسمة هوا فى عز حر
أدم الخير بعد شر
حضنى ياما لمنى فى عز ضيقتى

كنتى حبيبتى قلبك عليا
كنتى حلم وبين أيديا
الخسارة مش عادية
اللي ضيعتو بإيديا

هيعمل إيه الندم بعد منك
هيعمل إيه الندم غير ألم
واضح انك كنتى كتير عليا
كنتى حلم بنيتو وبإيدى اتهدم

كنتى توبة من ذنوبى
كنتى ميزة من عيوبى
سكرة فى حضنى تدوبى
كنتى وردة

كنتى غير كل اللى قبلك
خدتى قلبى لما قابلك
من ساعتها معاكى ولحد النهاردة

كنتى حبيبتى قلبك عليا
كنتى حلم وبين إيديا
الخسارة مش عادية
اللي ضيعتو بإيديا"