كارمن سليمان تطرح كليب "إنت وبس" من ألبوم "أصح غلطة"

فى موسيقى وحفلات

الجمعة , 8 أغسطس 2025 - 21:32

طرحت النجمة كارمن سليمان عبر قناتها الرسمية في موقع يوتيوب أحدث أعمالها الغنائية فيديو كليب أغنية "إنت وبس".

أغنية "إنت وبس" من كلمات وألحان عزيز الشافعي، توزيع أسامة الهندي، والكليب من إخراج ريم عيد، وتقول كلمات الأغنية:

"إنت وبس اللي بتملى عيني وبس
صوتك لما بتهمس همس يلمس جوه في قلبي لمس
انت الصح انت المفروض واللي يصح
ده انا لما بشوفك بفرح
يرقص قلبي على واحدة ونص

سيبوني سيبوني سيبوني معاه أنا عايزاه
هواه عجب قلبي هواه
سيبوني معاه أملي عيني بجماله
جمال محياه

أيوه صح كده أيوه
ده حبيبي هو ساكن هنا جوا في عينيا

إنت الحب إنت اللي شفت معاك الحب
جيت هنا طبطبت على القلب
معقولة كل دي فرحة يا رب

لا ده انت خطير والله بحبك حب كبير
خد مني بوسة وحضن كتير
ده انا معاك م الفرحة بطير"

يذكر أن كارمن سليمان طرحت على مدى الأيام الماضية 4 أغنيات أخرى من ألبوم "أصح غلطة" هي "حب إيه يا حسرة"، "الدنيا رايقة"، "طبطب عليا"، و"صعبتها على اللي بعدي".