بهاء سلطان يغني نسخة جديدة من "صاحبي يا صاحبي" تتر مسلسل "ولاد الشمس"

فى سينما وتلفزيون

الثلاثاء , 18 مارس 2025 - 22:17

قدم النجم بهاء سلطان نسخة جديدة من أغنية "صاحبي يا صاحبي"، أغنية تتر مسلسل "ولاد الشمس".

أغنية "صاحبي يا صاحبي" من كلمات منة القيعي، وألحان أحمد طارق يحيى، وتقول كلماتها:

"إيه يا عم ده مالها العالم برا عاملين كده ليه

وأنا وأنت يا صاحبي مالنا مش لايقين كده ليه

مش شبه الناس دي في حاجة

ولا فاهمين منهم حاجة

ولا عارفين نسلك وسط الهوجة هنعمل ايه

صاحبي يا صاحبي

أنت اللي لوحدك شبهي

في ناس في كروش بتعبي

وفي ناس بتنسى تربي

صاحبي يا صاحبي

أنت اللي مقويلي قلبي

أنت اللي ساندني وجنبي وطول ما أنت كتف في كتفي

نقدر على الدنيا يا صاحبي

الدنيا دي طلعت قاسية قساوة واحنا يا عيني غلب

ولا عندنا خطة ولا سوء نية وماشيين كده بالحب

وبنتلكك على الضحكة لو تيجي معانا كده سكة

وإياك الدنيا تغير فينا طيبة القلب"

مسلسل "ولاد الشمس" من بطولة أحمد مالك، طه دسوقي، محمود حميدة، مريم الجندي، فرح يوسف، جلا هشام، ومعتز هشام، ومن تأليف محمود عزت، وإخراج شادي عبد السلام.