رمضان 2025 – أكرم حسني يطرح أغنية "حضرات السادة" من مسلسل "الكابتن"

فى سينما وتلفزيون

الجمعة , 28 فبراير 2025 - 21:02

طرح النجم أكرم حسني أغنية جديدة من مسلسل "الكابتن"، الذي يخوض به سباق دراما رمضان 2025.

أغنية "حضرات السادة" أداء أكرم حسني، بالاشتراك مع مريم عزيز، كلمات أكرم حسني، ألحان أكرم حسني وأحمد وحيد، وتوزيع موسيقي أحمد وحيد.

وتقول كلمات أغنية "حضرات السادة":

"حضرات السادة .. برجاء الإنتباه .. ده النداء الأخير .. اللي ياما اتقال كتير
حضرات السادة .. بقول أهو وبعيد .. للقريب والبعيد .. للصغير والكبير

اللي راح راح .. و اللي فات مات .. و اللي كان كان .. يبقى ماتشتكيش
قوللي مين مين .. استفاد فاد .. لما عاش عاش .. من غير ما يعيش

ليه نخليها فرصة ضايعة .. لسه فيها خروجة صايعة
طظ في الناس اللي بايعة .. سيبك من كل اللي ضاع
زقططة أول مقابلة .. كلمة سر و ضحكة هبلة
رحلة طالعة و جايبة طبلة .. رقصونا عالإيقاع

إلحق ارقص رقصة حلوة .. تترقص على غنوة حلوة
تتلعب في وسط لمة .. لما تبقي اللمة حلوة
إلحق قول آسف بجد .. إلحق احضن أي حد
ده اللي يدي حد حق .. أحسن بردو من اللي خد

يا حظه اللي حظه من الدنيا انه عاشها في سعادة .. يا حظه
يا بخته اللي من بدري فهمها دي ملهاش إعادة .. يا بخته

يا بخته عشان محظوظ .. بتضحكله لما يعوز
و تلوي لغيره البوز ويجوز تسيبله الجراح

ماللي راح راح .. و اللي فات مات .. و اللي كان كان .. يبقي ماتشتكيش
قوللي مين مين .. استفاد فاد .. لما عاش عاش .. من غير ما يعيش

في الهم زُق زُق .. و قوله تُؤ تُؤ .. مش عايزك لأ لأ .. مش طالبة خالص عكننة
لو كله طيخ طاخ .. اقلبها هئ مئ .. ما هو انت تستحق .. تدلع نفسك كام سنة

إلحق امشي في الشوارع .. اتعشي طاجن كوارع
فعل عيش خليه مضارع مستمر طول حياتك
لو بتحب قول و عبّر .. زعلّوك و ماله كبّر
هو أصلا ايه يصبر .. غير الضحك عاللي فاتك"

تدور أحداث مسلسل "الكابتن" حول كابتن طيار حسام، الذي يرتكب خطأ غير مقصود أثناء إحدى رحلاته الجوية، ليتفاجأ بعدها بأرواح بعض الركاب تظهر له وتطلب منه المساعدة فى إتمام بعض المهام العالقة الخاصة بهم، باعتباره الناجى الوحيد من حادث الطائرة.

مسلسل "الكابتن" بطولة أكرم حسني، سوسن بدر، محمد رضوان، أحمد الرافعي، سامي مغاوري، رحمة أحمد، آية سماحة، أحمد عبد الوهاب، عمر شوقي، ميمى جمال، وعدد آخر من الفنانين، وهو من تأليف عمرو الدالى، قصة أيمن الشايب، وإخراج معتز التوني، وإنتاج شركة k media كريم أبو ذكرى.