رمضان 2025 - محمد رمضان يطرح أغنية برنامج "مدفع رمضان"

فى سينما وتلفزيون

الخميس , 27 فبراير 2025 - 23:02

طرحت قناة dmc أغنية برنامج "مدفع رمضان"، الذي يقدمه النجم محمد رمضان خلال شهر رمضان المقبل.

وظهر محمد رمضان في كليب الأغنية وهو يقوم بتوزيع الجوائز المالية على الجمهور، في أجواء من البهجة والمفاجأة.

وتقول كلمات الأغنية:

"رمضان .. مدفع رمضان
هيفرح كله، هيدلع كله

مدفع وفطار وسحور
مش وقت هزار فور شور
يبدأوا من الصفر إحنا بنبدأ من الست أصفار

مش بس فانوس
أنا جاي بفلوس
رمضان هيدور عربيته وجايلك مخصوص

رمضان ع الأرض نازل لك
رمضان في السكة وجايلك
هو اللي يفرح قلبك .. مدفع رمضان

انزل روق على نفسك
اعمل كل اللي في نفسك
هو اللي يحقق حلمك .. مدفع رمضان"

وكان محمد رمضان كشف عن ملامح برنامج "مدفع رمضان"، الذي يقدمه في شهر رمضان المقبل عبر قناة DMC.

ونشر محمد رمضان عبر صفحته الرسمية في موقع التواصل الاجتماعي فيسبوك فيديو قال فيه: "ناس كتير كاتبة إيه هو مدفع رمضان، وهو حقيقة ولا لأ، هو حقيقة، عارف إنه هيفرح حبايبي وهيزعل ناس وهيخوف ناس تانية".

وأضاف محمد رمضان: "بعد أذان المغرب على قناة DMC، يخلص الأذان هتلاقي مدفع رمضان علطول".

وتابع: "مدفع رمضان باختصار شديد دراما من نوع جديد، ثقة في الله نجاح".