سماء إبراهيم تطرح "طظ فيك" في عيد الحب من كلماتها وألحانها

فى موسيقى وحفلات

الجمعة , 14 فبراير 2025 - 18:24

طرحت الفنانة سماء إبراهيم أغنية جديدة بمناسبة عيد الحب بعنوان "طظ فيك".

وأغنية "طظ فيك" من كلمات وألحان سماء إبراهيم، توزيع وسولو أكورديون وائل السيد، وتقول كلماتها:

طظ فيك

يا اللي أنت شاغلني بيك

طز فيك

أقل حاجة أقولها ليك

تشغلني بيك وتقول ليّ نجمة في السما

أجري عليك ألاقيك مطنش مش هنا

طب قُلت ليه إني السعادة والهنا

والكون براحه بيحلى بس بيا أنا

وإن الشقاوة اللي في عيوني

بتشغلك وبتبهرك وبتسحرك

وبتسعدك وبتوعدك بالفرح ميت مليون سنة

بلاقي منك كل مرة صفحتين

صفحة بيضا فيها فرح وساعات حنين

وصفحة تانية مشخبطة و ملغ بطة

ومليانة خوف من اللي فات والذكريات

والذكريات تخلق سكات بين القلوب ولما أدوب

ألاقي انك راجع لنقطة صفر

ولا حتى همك فين أنا.. مين أنا

مش فاهمه حاجة من اللي فات

وتقول لي فات الوقت فات

خلينا هنا في الحتة دي

لا هي قرب ولا سكات

طب عامل ليه إنك معايا

وإن إيه فاهم الحكاية

وإني حاجة مهمة ليك

بس مستني البداية

والبداية مبتبتديش

أنا فاهمة إنك مش فاهمني

وشايفة خوفك من اللي فات

بس جرب يقوم تقولي

وإنت تلقى المعجزات

طظ فيك يعني بحبك

ياللي مشغول بالهروب

طظ فيك وفي ضحتك

وفي لغبطة قلبك بأدوب

طظ فيك

يا اللي إنت شاغلني بيك

طظ فيك

أقل حاجة أقولها ليك

طظ فيك

يذكر أن الفنانة سماء إبراهيم تشارك في موسم دراما رمضان 2025 من خلال مسلسل "قلبي ومفتاحه" بطولة آسر ياسين ومي عز الدين، بالإضافة إلى مسلسل "شهادة معاملة أطفال" من بطولة محمد هنيدي.