فريق "مسار إجباري" يطرح "وحشني صوتك" من ألبوم "ما بقتش أخاف"

فى موسيقى وحفلات

الجمعة , 24 يناير 2025 - 21:01

طرح فريق "مسار إجباري" عبر قناته الرسمية في موقع يوتيوب أغنية "وحشني صوتك"، من أحدث ألبوماته الغنائية "ما بقتش أخاف".

وأغنية "وحشني صوتك" من كلمات محمد إبراهيم، ألحان هاني الدقاق، وتوزيع الفريق، وتقول كلماتها:

وَحَشني صوتِك لما تندهي اسمي
قَفلة عينيكي لما بتبتسمي
وَحَشني صوتِك لما تندهي اسمي
قَفلة عينيكي لما بتبتسمي
وبقيت في بُعدك فاضي من جوه
وكإن روحي بعيد عن جسمي

غايبة وسايبة جوه قلبي كسور
مدخلش بَعدك قلبي نقطة نور
لكن غيابِك عنى برضه حضور
وفي كل شيء شايفك بتترسمي

يمكن هتحصل معجزة وتيجي
وأصحى وألاقي إيديكي على خدي
لا نسيت حياتي معاكي تدريجي
ولا حتى كان الوقت بيعدي

لا وجود صحابي هوِّن اللي أنا فيه
ولا زحمة الأيام دي واخداني
كل ما بافتكرك أحاول انساكي
وكل ما أحاول أنسى أفتكر تاني

بيطول غيابك عني ما بيطول
وأنا قلبي بعدك ع اللي فات مقفول
مستنى تيجي ولما تيجي حاقول
اني بحبك لو بعدنا سنين

يضم ألبوم "ما بقتش أخاف" 12 أغنية هي: "أدها وأدودو، بنتكلم، بمبي، زهقت، وحشني صوتك، مبسوط، مواويل، هويت، في الحب مليش، الكورنيش، مابقتش تبان، مابقتش أخاف".

ويأتي هذا بالتزامن مع إعلان فريق "مسار إجباري" عن إطلاق فيلم تسجيلي بمناسبة الاحتفال بمرور 20 سنة على تأسيس الفرقة، ويحمل الفيلم نفس اسم الألبوم الجديد "ما بقتش أخاف".

وكتبت صفحة فريق "مسار إجباري" على موقع التواصل الاجتماعي فيسبوك مشوقة جمهور الفرقة للفيلم: "20 سنة مش عاديين، اتبسطنا وسافرنا واتخانقنا وعيشنا نص حياتنا مع بعض ومعاكم. الفترة الأخيرة مكانتش سهلة علينا وفكرنا كتير ننهي المشوار هنا، بس قررنا نجرب تجربة أخيرة، يمكن تظبط؟ يمكن".