محمود العسيلي وعبير نعمة يغنيان "لوحدي في المكان" من فيلم "6 أيام"

فى سينما وتلفزيون

الخميس , 16 يناير 2025 - 22:20

طرحت Music Yard أغنية "لوحدي في المكان" من فيلم "6 أيام"، بصوت الفنان محمود العسيلي، والفنانة عبير نعمة.

وأغنية "لوحدي في المكان" من كلمات محمود فاروق، ألحان إيهاب عبد الواحد، وتوزيع موسيقي شادي جوزيف، وتبدأ بهذه الكلمات:

نزلت دمعة عينيا وذكريات زمان

فجأة هجمت عليا تدق على البابان

تدق على البابان تاني

بتفتح في حكايات

أنا كنت خلاص قافلها

وبتوريني ناس بعيدة ومش طايلها

وقلبي يقولي آه.. قلبي يقولي آه ياني

جاية ليه من تاني؟ عايزة إيه أحزاني

زيارة مش مكانها.. مشاعر فات آوانها

ودافع تمنها هفضل لإمتى أعاني!

راجعة ليه؟ فهميني

بعد إيه بتزوريني

يا لحظة مش حاسبها

يا ذكرى مش حاببها

ماحيها.. شاطبها.. مانعها عن لساني

تدور أحداث فيلم "6 أيام" حول يوسف وعالية بعد سنوات من فراق فرضته عليهما ظروفا قهرية وهما في المرحلة الثانوية، تجمع الصدفة بينهما مجددًا وقد اتخذ كل منهما مسارا مختلفا في حياته عن الآخر. فهل يشاء القدر لهما أن يستمرا سويا أم لا؟

الفيلم دراما رومانسية عن الحب والصداقة والحياة، تحاول الإجابة عن سؤال: هل تتغير المشاعر مع تغيرنا ونضجنا بمرور السنين؟

الفيلم من إنتاج شركة "سي سينما برودكشنز" هاني نجيب وأحمد فهمي، ومن تأليف وائل حمدي وإخراج كريم شعبان، ومن بطولة أحمد مالك وآية سماحة.