أحمد سعد يطرح "بنت ناس"

فى موسيقى وحفلات

الخميس , 29 أغسطس 2024 - 18:08

طرح النجم أحمد سعد عبر قناته الرسمية بموقع يوتيوب أحدث أعماله الغنائية "بنت ناس".

أغنية "بنت ناس" من كلمات مصطفى حدوتة، ألحان وليد العطار، توزيع إيهاب كلوبيكس، وتقول كلماتها:

تضحكلي الدنيا في ضحكتها
و يسرقني الوقت في قعدتها
دي بتاخد العقل بحلاوتها
انا مقابلتش اجمل منها

تتدلع تختار على ذوقها
و بسيبها على راحتها بشوقها
عيني بتحسدها علي هدوئها
انا مببطلش كلام عنها

دي بنت ناس
وتختلف عن كل الناس
ولو كان للقمر انعكاس
هينعكس على مرايتها

دي بنت ناس
بجمالها يشهد كل الناس
وعيون جميلة مليانة احساس
مبشوفش حد في رقتها

بيروقلي الجو بروقانها
اسمي بيحلو علي لسانها
ولا حتى اربعة يملوا مكانها
لأ هي و بس مفيش غيرها

بتمزج لما اسمع صوتها
بتمزج اوي لما ابسطها
وموافق علي كل شروطها
مش شايف في الدنيا دي غيرها

يذكر أن آخر أغنية طرحها أحمد سعد كانت "1 2 3"، من كلمات إيمان عظيم، ألحان سامح كريم، وتوزيع إلهامي دهيمة وأدهم دهيمة.

وطرح أحمد سعد قبلها فيديو كليب أغنية "سعودي وأسمر"، من كلمات مصطفى حدوتة، ألحان أحمد سعد، وتوزيع إيهاب كلوبيكس.