جنات تطرح أغنية "حبنا وحكاياته" ... تتر مسلسل "بقينا اتنين" بطولة شريف منير ورانيا يوسف

فى سينما وتلفزيون

الثلاثاء , 26 مارس 2024 - 19:59

طرحت الفنانة جنات عبر قناتها الرسمية في موقع يوتيوب أغنية التتر الخاصة بمسلسل "بقينا اتنين"، الذي يعرض خلال النصف الثاني من شهر رمضان، من بطولة النجمين شريف منير ورانيا يوسف.

وأغنية "حبنا وحكاياته" من كلمات أمير طعيمة، ألحان محمد رحيم، وتوزيع تميم وتبدأ كلماتها بهذا المقطع:

كنا سنة حاجه و تسعين .. كنا ساعتها صغيرين
كان كل اللي بيملا قلوبنا.. في ثانية نقوله بنظرة عين
كان الباب قدام الباب .. ولا عاملين للدنيا حساب
أجمل حب الحب اللي احنا بنحسه وماحناش خايفين

وسنين بتاخدنا سنين بتجيبنا سنين وتسيبنا سنين
والذكري اللي ما بتسيبش قلوبنا تسيب جوانا حنين
للعمر اللي ضايع .. ولطعم الشوارع
والليل اللي سهرناه .. والآه .. واحلي الكلام
حبنا وحكاياته .. أيامنا اللي فاتوا
لو مهما نعيش ونعيش .. ده مفيش .. زي دي أيام

قصة مسلسل "بقينا اتنين"

تدور أحداث العمل في إطار اجتماعي لايت، حول زوجين يمتلكان شركة للدعاية والإعلان، وهما شريف ورانيا، ويدخلان في خلافات زوجية عديدة، تنتهي بهما في النهاية بالطلاق، ثم تتطور بعدها الأحداث حيث يستعرض المسلسل حياة الزوجين بعد الانفصال والتأثير النفسي الذي يتركه.

أبطال مسلسل "بقينا اتنين"

مسلسل "بقينا اتنين" مكون من 15 حلقة، ويشارك في بطولته شريف منير، رانيا يوسف، ميمي جمال، يوسف عثمان، نانسي هلال، تامر فرج، طارق عبد العزيز، مروة عبد المنعم، عمر طلعت زكريا، ياسر الطوبجي، وعزت زين، عزة لبيب، والعمل من تأليف أماني التونسي، إخراج طارق رفعت، وإنتاج كريم أبو ذكري، بالتعاون مع المتحدة للخدمات الإعلامية.

مواعيد عرض مسلسل "بقينا اتنين"

يعرض مسلسل "بقينا اتنين" حصريا على شاشة قناة "cbc" الساعة 12 صباحا

والإعادة 11:15 صباحا و 6:30 صباحا

كما يعرض على "cbc دراما"الساعة 6:05 مساء

والإعادة 1:30 صباحا

والإعادة الثانية 9 صباحا

ويعرض أيضا عبر منصة Watch iT