محمد الشرنوبي يطرح "كان نفسي" ... تعرف على كلمات الأغنية

فى موسيقى وحفلات

الاثنين , 8 يناير 2024 - 18:28

طرح الفنان محمد الشرنوبي عبر قناته الرسمية بموقع يوتيوب أحدث أعماله الغنائية بعنوان "كان نفسي"، التي يتعاون فيها مع مع شركة جاما ميوزيك للمنتج محمد جابر.

وأغنية "كان نفسي" من ألحان محمد الشرنوبي، وكلمات مصطفى ناصر، وتوزيع موسيقي ماهر الملاخ، وتقول كلمات الجزء الأول منها:

كان نفسي اقول انه استحاله افضل كدة
كان نفسي مابقاش حالتي حالة بالشكل ده
كان نفسي اشوفني اكون عارفني والسنين طول السنين جايبة جديد
كان نفسي لما اعيش ماكنش عشت والسلام
كان نفسي افهم قبل ما ابقى كبرت ع العلام
كان نفسي لما اقول كلام ماتوهش فـ الكلام .. كان نفسي لما احكي عني اخش فـ المفيد
كان نفسي اكابر
كان نفسي اعافر
كان نفسي لما تيجي فرصة ابقى قادر
كان نفسي الاقي
نفس اتفاقي
واما اللي فات يضيع ابص ع اللي باقي
كان نفسي الاقي مكان فـ الحياة
متشال لي فيه حد برتاح معاه
يفضل معايا فـ طريق ابتداه .. كان نفسي مابقاش وحيد
كان نفسي مرة يجي لقلبي نوم
من غير ما يبكي ويشكي ف هموم
كان نفسي انام ليلة والصبح اقوم .. ماسألش نفسي انت مين

يذكر أن محمد الشرنوبي شارك مؤخرا في مسلسل إيجار قديم، الذي تعاون فيه مع عدد كبير من الفنانين، من بينهم شريف منير وفيدرا وصلاح عبد الله وهشام إسماعيل وميمي جمال، وعدد آخر من الفنانين، وهو من تأليف عمرو الدالي وإخراج طارق رفعت.