رامي جمال وزوجته ناريمان يطرحان "دوخناك يا فراق" ... تعرف على كلماتها

فى موسيقى وحفلات

الأحد , 7 يناير 2024 - 18:31

طرح الفنان رامي جمال بالاشتراك مع زوجته ناريمان أغنية جديدة بعنوان "دوخناك يا فراق"، وهي أول أغنية لهما معا منذ 3 سنوات.

وأغنية "دوخناك يا فراق" من كلمات أيمن عز، وألحان محمود نور، وتوزيع محمد مجدي، وتقول كلماتها:

يا فراق تعالى .. رجعتنا ومحصلش جديد
زعلنا اهو بيكبر و يزيد
بقينا نستحلى الوجع
وبقينا بندور عليه

يا فراق تعالى
مفيهاش المره دي رجوع
ملك ايديك أنا هبقى طوع
نفسنا وياك انقطع
بنروح ف ايه و نرجع ف ايه

دوخناك يا فراق
معلش احنا الاتنين اسفين
ومفيش عِشره وخوف من بكره هيعملوا فيك أسافين
وبوصيك لو يوم حنينا
متصدقناش تبّت فينا
لا أنا ولا هو ف يوم هنعمر مع بعضنا ساعتين

يا فراق تعالى من بعض احنا استكفينا
بقيت قريب اوي لينا
بقينا عشاق من ورق
والحب ملناش دعوه بيه

يا فراق تعالى ولا حد فينا خلاص باقي
و ملكش ذنب ف ده نهائي
معلش عاملينلك قلق
و علينا زعلان بس ليه؟!

وتعاون رامي جمال مع زوجته في أغنية بعنوان "مش ملاحظ حاجة" قبل ثلاث سنوات، وهي من كلمات الشاعر الغنائي أحمد المالكي، وألحان رامي جمال، وتوزيع موسيقي وسام عبدالمنعم، وهندسة صوتية هاني محروس وديجيتال ماستر توما وعازف الجيتار مصطفى أصلان.

يذكر أن رامي جمال شارك في نوفمبر الماضي في إحياء حفل "ليلة الدموع" في الرياض بالمملكة العربية السعودية، وشارك به النجمان تامر عاشور ورامي صبري.