نوال عبد الشافي تطرح أغنية "لسه شوفتوا حاجة" من فيلم "عادل مش عادل"

فى موسيقى وحفلات

الخميس , 4 يناير 2024 - 21:01

طرحت المطربة نوال عبد الشافي عبر قناتها الرسمية بموقع يوتيوب أغنية "لسه شوفتوا حاجة"، التي تقدمها ضمن مشاركتها في فيلم "عادل مش عادل".

وأغنية "لسه شوفتوا حاجة" من كلمات حدوتة، وألحان إيهاب كولبيكس ومصطفى تاج، وتوزيع كولبيكس، وتقول كلمات مطلع الأغنية:

وحده وحده وحده وحده والجايات كتير
حبه حبه حبه حبه نصبر مش هطير
درجة درجة درجة درجة مين مولود كبير
سهلة الصعب كله عدى واللى جى كله خير

لسه لسه لسه لسه ده التقيل مجاش
سنة سنة سنة سنة ده الجى اندهاش
حتة حتة حتة حتة اه ياواش ياواش
قشطة بكره أعمل وأسوي اللي لسه ماستواش

هو إنتو لسه شوفتوا حاجة لسه
هو إحنا لسه عملنا حاجة لسه
هو إنتو لسه شوفتوا حاجة لسه
كل اللي جى جد جد جد جد

ومن المقرر أن تقدم نوال أغنية أخرى خلال أحداث الفيلم وهي " أنا بلا فخر" في تجربة التمثيل الأولى لها.

فيلم "عادل مش عادل" تدور أحداثه في إطار تشويقي، حول موقف يحدث لبطل العمل يغير مجري حياته؛ لتنقلب رأسًا على عقب، كما تشهد الأحداث العديد من المواقف الكوميدية.

فيلم "عادل مش عادل" من بطولة أحمد الفيشاوى، شيرى عادل، محمود البزاوي ،دينا، محمد رضوان، أوتاكا، بدرية طلبة، أحمد بجه ولأول مرة تشارك بالفيلم المغنية نوال صاحبة أغنية "مخاصماك" والتي تصدرت ترند المواقع الاجتماعية وحصلت على أكثر من 130 مليون مشاهدة على موقع YouTube.