رامي صبري يطرح "النهايات أخلاق" أولى أغنيات ألبومه الجديد ... تعرف على كلماتها

فى موسيقى وحفلات

الخميس , 4 يناير 2024 - 18:28

طرح النجم رامي صبري عبر قناته الرسمية بموقع يوتيوب أغنية "النهايات أخلاق"، أولى أغنيات ألبومه الغنائي الجديد الذي يحمل نفس الاسم.

وأغنية "النهايات أخلاق" من كلمات أحمد جابر، ومن ألحان محمد شحاتة، وتوزيع مكس وماستر وسام عبد المنعم، وجيتار شريف فهمي، ووتريات تامر غنيم، وتقول كلماتها:

بعد ما فكرنا كتير
وتعبنا من التفكير
في الآخر مرتحناش
ووصلنا لحل أخير

إننا مش متفقين
وإحنا الاتنين عارفين
إنها مش نافعة خلاص
بنعاند بس في مين

ومدام آخرتنا فراق
يبقى النهايات أخلاق
نفضل فاكرينها بخير
مهو أصلنا مش في سباق

ودي مش معناها رجوع
متغيرش الموضوع
حسسني إن إنت تمام
ومتقفلهاش بدموع

كده أحسن ليا وليك
والأيام هتنسيك
واحد جربت معاه
مطلعش مناسب ليك

ويا عالم بعد سنين
هنعيش ونقابل مين
مش يمكن بكرة نكون
من حق إتنين تانيين

كما طرح رامي صبري أغنيتين جديدتين من الألبوم، وهما "بين الحيطان"، من كلمات عمرو المصري، وألحان وتوزيع ومكس وماستر عمرو الخضري، وجيتار مصطفى نصر.

وأغنية "بحكي عليكي"، من كلمات أحمد علي موسى، ومن ألحان مدين، وتوزيع مكس ماستر خالد سند.