فريق "مسار إجباري" يطرح أحدث أغانيه "آسف"

فى موسيقى وحفلات

الخميس , 28 سبتمبر 2023 - 22:09

طرح فريق "مسار إجباري" عبر قناته الرسمية بموقع يوتيوب أحدث أعماله الغنائية بعنوان "آسف".

وأغنية "آسف" من كلمات محمد بحيري، ألحان هاني الدقاق، وتوزيع توسي، وتقول كلماتها:

اسف لكل اللي اعتزلته كل متعشم خذلته كل باب مفتوح قفلته من غير كلام
اسف لقلة الاهتمام وبردو اسف عالزيادة
اسف اني مشيت اوام و اني مش مصدر سعادة
اسف اني مفيش اعادة اني اصلح حاجه بينا
اسف اني عندي عادة أنسى لو كان ايه ما بيننا
اسف عشان كل امتحان انا كنت بسقط اسف اني لسه بغلط

الله يجازي الليل
و القعده وحديا و يجازي خط الميل
على شيء ماهوش ليا و يجازي لف الكيف و يجازي امتى وكيف
ويجازي كم الزيف و يجازي خطاويا

كل حتة فيها حتة لينا فيها في بعض شيء
كل بصة مابينا ماسكة كل ايد ماسكة في طريق
كل تكميلة كلام كل حاساك مش تمام
كل مرة نقول سلام مايكونش ده بحق وحقيق
كل فاكرة ف كل ذكرى وكل كلمة مقولتهاش
كل مرة انا قولت بكرة وبكرة ييجي محسهاش
كل مرة لنفسي اقول حب ولا دا كان فضول
كل آسف جت في دول جت عشان محسبتهاش

الله يجازي الليل و القعده وحديا
و يجازي خط الميل على شئ ماهوش ليا
و يجازي لف الكيف و يجازي امتى و كيف
و يجازي كم الزيف و يجازي خطاويا

يذكر أن فريق "مسار إجباري" شارك في فعاليات مهرجان العلمين الجديدة 2023، من خلال حفل غنائي أحياه مساء الجمعة 11 أغسطس الماضي.