أيتن عامر تطرح كليب "إكشف"

فى موسيقى وحفلات

الخميس , 14 سبتمبر 2023 - 20:09

طرحت الفنانة أيتن عامر عبر قناتها الرسمية بموقع يوتيوب أحدث أعمالها الغنائية بعنوان "إكشف".

تتعاون أيتن عامر في أغنية "إكشف" مع الشاعر الغنائي إبراهيم محمد، والملحن أحمد أنور، والكليب من إخراج مروة راغب.

وتقول كلمات أغنية "إكشف":

بتقول ايه ايه سمعني .. عندك قلب وبتحس ؟!

لأ الف سلامه عليك يا حبيبي هتبقى الصبح تمام
شكل حراراتك عاليه ياعيني .. وبتنطق اي كلام
اكشف دلوقتي وطمني ..
ده انا خفت عليك اكتر مني
الله يجازيه الهوى بالليل قبل الواحد ماينام

والله بدلك ع الصالح
وماليش ف اللي بقوله مصالح
اصلك جاي تقول نتصالح
فانا قولت بلفحة هوا متصاب

انما لو فايق لكلامك
وعايزني احن لايامك
واضعف وأدمع قدامك
يبقى هاتكشف مخ وأعصاب

لأ الف سلامه عليك يا حبيبي هتبقى الصبح تمام
شكل حراراتك عاليه ياعيني .. وبتنطق اي كلام
اكشف دلوقتي وطمني ..
ده انا خفت عليك اكتر مني
الله يجازيه الهوى بليل قبل الواحد ماينام

والله البال ما ارتاح غير بس بعرض كتاف معاليك
ولقيتني بزغرط يوم مالقيتك خدت الباب فى ايديك
ضحكتلي الدنيا و جاتلى
والناس كلها فرحتلي
وراجعلي تقول نتصالح.. لأ ألف لا بأس عليك

يذكر أن أيتن عامر عرض لها مؤخرا فيلم "لف وارجع تاني"، ويشارك في بطولته شيرى عادل وأحمد فتحي، محمود حافظ، صلاح عبدالله، محمد رضوان، طارق الإبياري، إسماعيل فرغلى، سليمان عيد، بالإضافة إلى عدد كبير من ضيوف الشرف، وهو تأليف محمود حمدان، وإخراج شادي علي.

تدور أحداث فيلم "لف وارجع تاني" في إطار فانتازي كوميدي حول مجموعة من الأصدقاء من محافظات مختلفة يتجمعون في شقة للمغتربين داخل إحدى حواري القاهرة للبحث عن عمل، ولكن تحدث مفاجأة مدوية، حيث يستيقظون من نومهم ليجدوا العمارة التي يسكنون بها قد انتقلت إلى مكان آخر واختفت الحارة كما اختفى جميع سكانها.