شيماء الشايب تطرح أحدث أغانيها "كتاب مفتوح"

فى موسيقى وحفلات

الأربعاء , 23 أغسطس 2023 - 01:26

طرحت المطربة شيماء الشايب أحدث أغانيها بعنوان "كتاب مفتوح" على موقع يوتيوب والمنصات الموسيقية المختلفة، وبطريقة الـ video lyrics.

تنتمي الأغنية لنوعية الأغاني الطربية التي اشتهرت بها شيماء الشايب، وهي إنتاج شركة "ار اي ميديا" للمنتج ريتشارد الحاج، ومن كلمات محمد سرحان، وألحان سامح كريم، وتوزيع كيمز.

وتقول كلمات أغنية "كتاب مفتوح":

جميل ونسه بيعمل حس
جميل قلبه عشان بيحس
بيفهم كل ما يقرب
بحبه و نفسي أعيشله وبس

حنين طبعه متغيرش
يموت علشاني ميفكرش
بيعرف إمتا يتكلم
حبيبي حد متكررش

كتاب مفتوح مفيش فيه حاجه مخفية
تملي بروح لحضنه ارجع بحنية
حبيبي طموح لمليون ألف في الميه
دا روح للروح دا عقلي وقلبي وعنيا

بعيش في عينيه حالات الحب
مسهل قلبه كل الصعب
بحسه اقربلي من روحي
معاه كل الكلام من القلب

تملي بشوفه باستمرار
ونفسي أعيشله ليل ونهار
و لو غاب ثانية يوحشني
حبيبي في بعده أنا بنهار

يذكر أن آخر أغنيات شيماء الشايب كانت أغنية "يفرق كتير"، التي تعد آخر ألحان الموسيقار الكبير الراحل خالد البكري.