حسن شاكوش وعمر كمال يطرحان "إنتي الترند"

فى موسيقى وحفلات

الثلاثاء , 1 أغسطس 2023 - 22:01

طرح نجما أغاني المهرجانات حسن شاكوش وعمر كمال أحدث أعمالهما المشتركة أغنية "إنتي الترند"، ويتعاونان فيها مع الموزع الموسيقي إسلام ساسو.

وأغنية "إنتي الترند" من كلمات سامح الكومي، واشترك في تلحينها خالد سلطان، وتقول كلماتها:

لفيت العالم حتة حتة
ملاقتش منك اي واحدة
ملهمش وجود

انتي الملخص والإفادة
بترفعي هرمون السعادة
بتعلي المود

سكر بتسكري ياللي بتسكري
والعقل يدوخ
جامدة ومتميزة خبرة ومدرسة
وبجد صاروخ

عالية ومش عادية ومية مية
وحلوه موت
اجمل واحدة هي واحلي شكل
واحلي عود

انتي الترند انتي البراند
انتي اللي يمشي وراكي جارد
زي المشاهير

اللي يشوفك محتاجله واسطة
يعملك فولو علي الانستا
يعملك شير

وشك كلة وسامة كفاية فخامة
كفاية جمدان
حقك مانتي كاريزما بتعملي ازمة
في اي مكان

هدي يا ارض اتهدي لما تفوت
تعمل قلبان
دي اللي عليها قبول تدخل علي طول
ف القلب كمان

انا شوفتك من الاخر يا بيبي
وقولت ان انتي خلاص نصيبي
بلاش تروحي بلاش تغيبي
العالم بعدك مابيتعاش

انتي اللي قلبتي كياني وحالي
وعايزك من الاخر حلالي
دخلتي وخيشتي في خيالي
وعملتي معايا اللي متعملش

علي قدي بنت مأصلة
من غير فلاتر سكرة
ومن غير مكياج

وجمالها عدي الافورة
ولا غلطة فيها صغيرة
ده انا عقلي مجاش

فلته وحته واحده ومنك انتي مفيش بديل
سحر عنيكي غطى عملتي ورطه لناس كتير
تعبك كله راحه انتي بصراحه بجد نار
ده انتي بكلمه واحده خطفتي قلبي وعقلي طار

يذكر أن آخر أغاني عمر كمال وحسن شاكوش المشتركة كانت "جود مورنينج بيبي"، التي طرحاها العام الماضي، وتعاونا فيها مع إسلام ساسو.

وطرح عمر كمال قبل أيام كليب أغنية "السخان"، التي تجمعه بنجم الأغنية الشعبية عبد الباسط حمودة، من كلمات أيمن بهجت قمر، وألحان محمد يحيى، وتوزيع وسام عبد المنعم، والكليب من إخراج ميدو عماد.