Watch it تطرح "لو كان" لأمير عيد.. آخر أغاني مسلسل "ريفو"

فى موسيقى وحفلات

الأربعاء , 19 يوليو 2023 - 23:18

طرحت منصة Watch it آخر حلقتين من الجزء الثاني من مسلسل "ريفو"، في الأربعاء 19 يوليو، ومعهما آخر أغاني المسلسل "لو كان" لبطل العمل أمير عيد.

وجاءت كلمات الأغنية كالآتي:
لو كان في الإمكان
افضل معاكم يوم كمان
هغني غنوة بدون كلام
وانتوا تكتبوا عننا وعن الايام
الجاية

لو كان في الإمكان أعود بالزمان
لو كان في الإمكان أعود بالزمان

عشت بذمة ومش ندمان
لما حبيت اتحبيت كنت عاشق ولهان

بدل الواحد كنا خمسة
والحبيبة اللي بيا حاسة
وناس عزيزة في القلب عاشوا
عيشوا بقلب واوعوا تخافوا

لو كان في الإمكان أعود بالزمان
لو كان في الإمكان أعود بالزمان

وعلي كل حال انا عشت فارد صدري
وبسرعة كنت بجري عارف اني ماشي بدري
وهعيش بعد موتي هيفضل مكمل صوتي
سعيدة النهاية مش عايز اغير فيها
دايما كنتوا معايا وايديا كانت في ايديها
في الاخر اتحبيت في الدنيا سبت شيء

لو كان في الإمكان أعود بالزمان
لو كان في الإمكان أعود بالزمان

ويتكون الموسم الثاني من مسلسل ريفو من 10 حلقات، ويشارك صدقي صخر في بطولة المسلسل النجوم أمير عيد، ركين سعد، حسن أبو الروس، تامر هاشم، مينا النجار، سارة عبد الرحمن ومحسن محي الدين، والمسلسل من تأليف محمد ناير ومن إخراج يحيى أسماعيل.