مروان موسى يطرح "أفريقيا وأمريكا"...لماذا عاتب مطربي الراب؟

فى موسيقى وحفلات

الجمعة , 5 مايو 2023 - 19:24

طرح الرابر مروان موسى عبر قناته الرسمية بموقع يوتيوب أحدث أعماله "أفريقيا وأمريكا"، والتي يتحدث فيها عن رغبته في عمل فيلم عن الموسيقى.

ووجه مروان موسى في نهاية التراك رسالة عتاب لمطربي الراب، الذين لم يبادروا بتهنئته بعد حصوله على جائزة "أفريما" لأفضل مغني راب في إفريقيا.

وصلت ركنت بتخميسة ع الناصية
كول الكاركتر قول يابا اكتر
دخلت اخويا الصغير ع البيت قبل مني
ف قالي لا والله ما اقدر

ياللا بتمطر كله بالاخضر
دا مش متحضر انا متخدر
قلبي بيدق… عقلي بيفكر
شغلي بيسهّر

كنت في المعمل
بفكس القاعدة
بلقط اشارة التردد الاعلى
كنت
في محاولة إني ادرس المعنى
كانش فيه معنى

لقيت الموضوع مش بتاعنا
كل شوية حد يقولي طب حك في فُلان هتولعها
يا عم مش عايز اولعها
انا اصلا لوحدي و بطولي مولعها

برفع الزيزو ، رافعة مش اوڤر
هطلع بالموضة لما اطلع م الاوضة
ماقفش جون ما انا دماغي في الجون
وبخاطب الكون وانا ماسك النوتة

قافش الكورة قالب الهجمة
فين التكافؤ؟ فين المعادلة؟
انا في حالة تساؤل وفي حالة مسابقة
ارقام في الهولامي و الآلة مش حاسبة

انا طالب سينما و مزيكا
ف بعمل فيلم ع المزيكا
ولعة و اسمي ع الكبريتة
وازن جسمي بين افريقيا و امريكا

انا سيكس فابريجاس فابريكا
ونفسي في اكس سيكس بيضة زي باندا مانويل هدي تسقيطة

ماليش في الميديا بس شكلي هدي اللقاء
هدي الكلام هدي الاضاءة
هاخد الاستمارة وهدي اشارة الجينيرال
هاخد القرار واسيب الجواب للكورال

الكبار باقو كبار والصغار جعانين
واللي طار طار ولسه ع الجدار عصافير
واللي فاضل كتير الأبطال اللي تطير
انا بتواصل بالسين زي حوار تعابين

انا حوار في الوريد زي فوار ڤيتامين
و بقاتل في البيف زي الطار في الصعيد
كل بار عندي طويل بيقوم رافع البيت
ف لو رافع إي بي أكنني رافع شريط

خارق اكيد !
انا من ايام كنت طالب بليد وانا رافض الصيت
مش حافظ نجيب بس حاطت ع الفيت
و بخاطب الجيل وانا قابض الايد

وفي الڤار لما تعيد شوف البار ب البطيء
ليه ارقامي في الديل اوديمار علي الأيد ؟
وخلصت ع المايك ومش فاضل حديد
نامبر وان انا مين ، مارو ميم

انا طالب سينما و مزيكا
ف بعمل فيلم ع المزيكا
ولعة و اسمي ع الكبريتة
وازن جسمي بين افريقيا و امريكا

انا سيكس فابريجاس فابريكا
ونفسي في اكس سيكس بيضة
زي باندا مانويل هدي تسقيطة

اديله بس
٩ شهور و نبارك
معور الشباب في كل المجالات
راب و بيتات
چان في الافلام
جاب إعلانات
باشا فيش سلبيات

مارو بيج بوس بيح بوس بيج زي بيج ماك
دايما ناس تعطس و بيقولوا سيك تراك
مقسم الستات زي سيكس باك
انا شاب زبالة فا انا مش انسان

وانا ايه اللي حصلي
مفيش شيء يوترني
ايه يا بيبي اتأخرتي
جيتي مطرتي
حلقت حلقة بيزك عملت الليزك فتحت الsafe
ورميت فيه نضارتي

دلوقتي شايف الصورة بوضوح
تنطيت ع البيت شوية باركور علي سطوح
حصلوش ولا لحلوح
كل ما باقول روح ياسطى الطقطوقة بتروح

انا مجنون انا سايكو
انا باد مود انا سلوم مش iqos
علي طول اقوم جايبه ب فريستايله
اكيد ايه اكيد

مليش زي مفيش زيي
كل باراتكو فيلر زي كايلي
انا كينج في اسماعيلية و كايرو و دبي
برضه نازل اجيب لبس عيد جديد لقرايبي

عشان دا اللي فارقلي، عشان دا اللي فارقلي
افضل رابر في افريقيا ومحدش باركلي
ولو هانتكلم عن الراب ك مجال راب
بص كويس يسطا مفيش حد غالبني

كلمة حق

وكان مروان موسى حصد ثلاث جوائز دفعة واحدة، من بين أربع جوائز كان مرشحا لها في النسخة الثامنة من مهرجان "أول أفريكا ميوزيك أووردز" All-Africa Music Awards.

أقيم المهرجان في العاصمة السنغالية داكار بحضور نجوم الموسيقى والغناء، وأعلن المهرجان فوز مروان موسى بجائزة أفضل مغني راب إفريقي، وأفضل فنان في موسيقى الهيب هوب الإفريقية، وجائزة فنان الاختراق لهذا العام، فيما لم يفز بالجائزة الرابعة التي كان مرشحا لها وهي أفضل فنان في شمال إفريقيا.