اسمع - أغنية شاهين الجديدة "مسبّك"

فى موسيقى وحفلات

الاثنين , 20 فبراير 2023 - 18:59

طرح مغني الراب شاهين عبر قناته الرسمية بموقع يوتيوب أغنية جديدة بعنوان "مسبّك".

يتعاون شاهين في الإنتاج الموسيقي للأغنية مع عيسى وأسود ونوڤو، وتقول كلمات المقطع الأول منها:

ضهري بيطقطق وعيني بترف
أنا لسه شباب ولا عقلي بيخف
عندي في الشنطة أفكار تتلف
بس العضلة تشد لو فكرت تلف
كل ما أتمطع بلاقيني إتكتفت
أروح أتبضع بلاقيني فلست
كل دي ثروة وبرضه في قسط
لسة هربان من الفقر ولا ولفت
ولا عجزت ولا شطبت
ولا خدت وقت على ما وضبت
إتفرهضت إتّربت
أخدت وقت يابا على ما نفضت
ولسه في نبض وفي قبض
لسه في ظبطة ولسه في ربط
لسه في خبط وفي عض
لسه في قبضة ولسه في رب

ولسه في مليون ألف حاجة هتعطلك
فبلاها دراما وبلاها أڤورة
كل حاجة في الحياة دي مرحلة
هتعومنا في الغريق برضه مش هنجيبوا ورا

ولسه في مليون ألف حاجة هتعطلك
فبلاها دراما وبلاها أڤورة
كل حاجة في الحياة دي مرحلة
هتعومنا في الغريق برضه مش هنجيبوا ورا

يذكر أن شاهين طرح مؤخرا كليب "أحلامي مش بالليل"، من فيلم "فضل ونعمة"، والأغنية من كلماته وشاركه الغناء النجمان ماجد الكدواني وهند صبري.