رامي عاشور يطرح أحدث أغانيه "هضحك بردو"

فى موسيقى وحفلات

الجمعة , 23 ديسمبر 2022 - 15:45 | اخر تحديث: الجمعة , 23 ديسمبر 2022 - 15:45

طرح نجم الإسكواش والفنان رامي عاشور أغنية جديدة بعنوان "هضحك بردو" على موقع الفيديوهات "يوتيوب".

وتعد أغنية "هضحك بردو" هي سابع الأغاني التي يطرحها رامي عاشور بعد طرح أغانيه السابقة وهي: وسط الناس ظهرت هى، وأبطالنا كتير، والنارالقايدة، وأكلم مين وهقولك سر وعيش بزيادة.

"هضحك بردو" كلمات حسام سعيد ولحن وتوزيع موسيقي إسلام رفعت ودرامز رامي سمير وجيتار شريف فهمي وبيز جيتار سيكا وأكورديون وائل النجار
وناي محمد عاطف وميكس وماستر هاني محروس.

وتقول كلمات الأغنية:

هي الدنيا .. ليه مِلَطَشة
فين الفرحة .. والفرفشة
فيه حاجات ياما .. جاية عليا
الأيام دي .. صعبه شوية
حظي معاكس .. ليه مش ماش
كله بقى اسود .. فين الفوشيا
بس ده كله .. عادي انا قَدُه
ومهما حصلي .. هضحك برضو
هضحك بردو..

لسه مفركش .. الأيام دي
سابتني حبيبتي .. وأغلى ما عندي
كنت عليها .. باني حياتي
كنت عايزها .. تبقى مراتي
عمري عليها .. أنا ضيعته
وقلبي آديني .. بإيدي وجعته
أحلام ياما .. فوقي إتهدو
بس يا دنيا .. هضحك برضو
هضحك بردو..

أعز صحابي .. ضربني ف ضهري
وكنت انا فاكرُه .. صاحب عمري
باع عشرتنا .. بسعر قُليّل
فاكره انا راجل .. وطلع عَيّل
طب ده انا ياما .. عملت عشانُه
ليه بسهولة .. كل ده خانُه
صحاب مضروبة .. من جوه يخُضو
ورغم ده كله .. هضحك برضو
هضحك بردو..

يومي متلغبط .. كله مشاكل
يجي ١٠٠ علقة .. أنا متاكل
حتى ف شغلي .. وضعي مأزِم
لا فلوس لاقي .. ولا بَتقدِم
ف كل حياتي .. دي أصعب فترة
نازله همومها .. زي المَطره
وبقول دايماً .. يومين و يعَدّو
ومهما يطوّلو .. هضحك برضو
هضحك بردو..