نبيل يطرح أحدث أغانيه "جاحدة"

فى موسيقى وحفلات

الخميس , 20 أكتوبر 2022 - 21:06

طرح المنتج نصر محروس أحدث إنتاجاته، أغنية "جاحدة" للمطرب نبيل.

أغنية "جاحدة" من كلمات أحمد شكري وألحان مصطفي شكري وتوزيع موسيقى شيندي وخليل.

وجاءت كلمات الأغنية كالآتي:

قولنا من الأول ده كله ان هتضيعي في غيابي
هتيجي هبقى قفلت بابي
من يوميها عامل حسابي
انك انتي جاية جاية
أدينا فيها وأديكي واقفة
وبعينيكي أديكي شايفة
جاية بتبوسي في إيديا
انتهينا يا بنتي مات
اوعي تحكي في ذكريات
سيبتي ايه أفتكره ليكي
ارجعي وراجعي اللي فات
مين هينسالك دي واجعة
ليه أنا أفرح وانتي راجعة
اسألي الناس اللي شافت حياتي يومها وهي ضايعة
جاية ليا وأنا فوق
انتهينا خلاص بفوق
حياتي جنبك كانت متدمرة
حالف أنا 100 يمين
وعد الحر عليا دين
مش هجيب ولا يوم خطوة لورا
كنتي نازلة بيا في بير
جاحدة وما فيكيش أي خير
عمالة تصغري وقليلة
ماشي مكمل في الطريق
قلبك في الأخر غريق
وخسايرك لسة مطولة
سيبتي فيا الجرح علم
عيشت للأوجاع مسلم
وانتي عايشة ومش في بالك
كنت عارف حقي راجع
والنهاردة مفيش مواجع
حد غيرك خد مكانك
انتهينا يا بنتى مات
اوعي تحكي في ذكريات
سيبتي ايه أفتكره ليكي
ارجعي وراجعي اللي فات
مين هينسالك دي واجعة
ليه أنا هفرح وانتي راجعة
اسألي الناس اللي شافت حياتي يومها وهي ضايعة
دايرة وكانت لازم تدور
والنهاردة جالي الدور
أكسر قلبك وتدمعي
أنا من باب الجميل
واقف بحكي عشان كبير
مش شبهي ولا يوم تنفعي
ارجعيلي بالسنين عيني كانوا مدمعين
وقت ضعفي وانتي بتوجعي
مهما يكلموني ناس الموضوع خلصان خلاص
موهومة وفاكرة هترجعي