أصالة تطرح كليب "الرحلة" من ألبوم "شايفة فيك"

فى موسيقى وحفلات

الخميس , 8 سبتمبر 2022 - 01:44

طرحت المطربة أصالة عبر قناتها الرسمية بموقع يوتيوب فيديو كليب أغنية "الرحلة"، من ألبوم "شايفة فيك".

وظهرت أصالة في الكليب مع مجموعة من الشخصيات الكرتونية، وأدت هي أيضا بعض تلك الشخصيات.

وأغنية "الرحلة" من كلمات أشرف أمين، ألحان مايكل صفوت، توزيع فادي إبراهيم، والكليب من إخراج محمد سمير و"إم بي فيجن ستديوز".

وتقول كلمات أغنية "الرحلة":

لو كل يوم .. فارقنا ناس بنحبها

هتيجي لحظه الدنيا تفضي والوحده تملالنا المكان

الرحله ناس .. بنحبها وبتحبنا

فيهم عيوب فينا عيوب بس القلوب

هيه الأهم ف الحكايه كلها

دا مش كلام مزوق .. اهدا ياعم روق

بسطها وانت تحبها استحاله

تقدر تعيش لو كان مفيش

حواليك حاجات تشتاقلها

حبيب يطبطب .. غريب يقرب

او حاجه صدفه قابلتها

والله سهله ومش مستاهله

ويا سيدي الناس ل بعضها

الذكريات .. دي فيها كل عمرنا

فيها حكاياتنا وسنين حياتنا وعشره دامت كام سنه

ازاي يهون .. دا كله بسهوله كده

يبقالنا مين ونلاقي فين نفس الحنين

لو كل حاجه حلوه راحت مننا

يذكر أن أصالة طرحت حتى الآن 13 أغنية من الألبوم بالإضافة إلى "الرحلة"، وهي "غلبان"، "كفوكيم"، "فرحة وبس"، "فقدت نفسي"، "أنا حرة"، "بالسلامة"، "منّي وفي"، "زي المعجزات"، "اللي متضايق يفارق"، "شايفة فيك"، "إزاي حبيبي"، بالإضافة إلى نسختين من أغنية "الله جاب" بإيقاعين مختلفين.