اسمع - "عيشها بعافية" لنانسي عجرم ومروان بابلو

فى موسيقى وحفلات

الخميس , 11 أغسطس 2022 - 01:29

طرح الموزع الموسيقي حسن الشافعي عبر قناته بموقع يوتيوب أغنية "عيشها بعافية"، التي تجمع بين النجمة اللبنانية نانسي عجرم، ومطرب الراب مروان بابلو.

الأغنية من كلمات منة القيعي ومروان بابلو، ألحان إيهاب عبد الواحد ومروان بابلو، وتوزيع حسن الشافعي، وتقول كلماتها:

نانسي عجرم:

حاجة مش عادية
خطوتي مش هيا هيا
مظبوطة ظبطة على الدقات

مش تقليدية
easy وده الحلو اللي فيا
ع ال Beat ماشية كده بثبات

قلبي اللي سايق
ماشية وراه ما هو ده اللي رايق
عايشة بعافية ومش بالعافية
مزاج لايق عليا

خطير خطير إحساس خطير
حاسة إني بطير
قلبي ده بيطير
ده ال mood خطير

مروان بابلو:

معاكو بابلو
واحدة انتظار
داخل بالتوكسيدو
ظابط النظام
جاي عشان ال show
عافية لو جاب الشوق
واكمني شاب ذوق
دي مني كادو
ع الـ beat بنزل با با
ولو سألتوا مين عارفين إني بابا
الشغلة دي سهلة
جيت عشان أفن فن
وقلبي زي الباي كبير
حاسس إني بوباي

متستغربش إني بودي
بكيفي أنا بعدي
التاج دا على قدي
أتحدى العالم كله
حتى لو هلعبها سولو
قلبي يفوت في الحديد

على الله ماتحسبهاش
عيشها بعافية يا ماتعيشهاش
إحنا اللي سبقنا ومازلنا سابقين
مرتين ماتفكرش أصل المود دا خطير