مروان موسى يطرح "عاش" من ألبوم "عقد احتراف"

فى موسيقى وحفلات

السبت , 6 أغسطس 2022 - 19:08

طرح مطرب الراب مروان موسى عبر قناته الرسمية بموقع يوتيوب أحدث تراكاته بعنوان "عاش"، من ألبومه المصغر "عقد احتراف".

وتقول كلمات تراك "عاش" :

لو إنتَ عارفني… وإنت عارفني
هاتسلم عليا وتقولي حبيب عضم كتفي
عندي أوبشن كشف الكذب فإنسى إن تنافقني
عندي أوبشن إني أشوط الفيرس بمشط رجلي

نزلت الكشك إتلم عليا خلق الله
مارو مافيا على المايك، مارو المانيا عالانتاج
مارو فينك؟ كنت هناك
فوني مهري ميسدجات
7 الصبح انا في هاسيندا ريد، سباق بالموتسيكلات

تراك بيرقص زي الوينجر
قريب هاتشوفني في اللاند روفر هاف ديفيندر
عملت كذا چينجل، بروديوسر، رابر، سينجر
أدائي أجمد من المايتي زينجر

يا عم ماتزعلش هبقى اجيبلك واحدة غيرها
واحطلك عُلّيقة فيها عشان تفتكرها
لا بس عاش الشباب شادة حيلها
لا بس عاش الشباب شادة حيلها

يا عم ماتزعلش هبقى اجيبلك واحدة أجمد
ونقيسها عشان المرادي تيجي على قدك
لا بس عاش الشباب شادة حيلها
لا بس عاش الشباب شادة حيلها

اول ما اجي تلاقي المود اتغير
قاعد بلعب بالكلام فامش بروح السايبر
خايف على مشاعر الرابرز فا مش هاروح السايفر
ناس يا زميلي تقطع لحمك ويناولوك الكايزر

مش فاهم ليه اضطريتني أأذيك؟
مارو في المستقبل عنده الفكرة والتكتيك
عنده الخبرة والتِكنيك
عنده السكة اللي توديك
ولو ع الخطة احنا بنخطط زي الزيبرا في موزمبيق

ساعات لما بنسى اطفي الكاريزما
الناس بتتلم وبتتغير الحسبة
والزحمة في السكة مش تسلك دي بتثبت
بهرب خيشتله التسلا

حريقة في بيتي اول ما ابدأ الريك
أجازة رسمية كل ما انزل بكليب
لخص كلام مع الكينج تقعدش تمد
نظام اكسكلوسيف اكتر من فودافون ريد

انا راجل وطني، و الصرف عِلي
لابس 73 ألف جني
مارو هيكتور الكوبر وانت لسه شاب ميني
عندي العالي وعايز اغتني
لو لبختوا هانفتري

شورتي سودة اكني بلعب في ac milan
في دماغي ممنوعات اكتر م اللي في جيب الديلر
الدنية دي غريبة، زمان الزهر كانش راضي يلعب
دلوقتي بلعب طاولة مع احمد شيبة

وطرح موسى قبل أيام تراك "مسافات"، من ألبوم "فلوريدا دارك مود"، الذي يضم تراكات "تشامبيونز ليج"، "سواريز"، "مسافات"، "بيج مود"، "صاحبي"، وهو متاح عبر منصة أنغامي.