شيرين عبد الوهاب: حسام حبيب أهداني رصاصة

فى حياة المشاهير

الثلاثاء , 19 يوليو 2022 - 23:07 | اخر تحديث: الأربعاء , 20 يوليو 2022 - 02:07

روت الفنانة شيرين عبد الوهاب عن هدية غريبة تلقتها من زوجها السابق الفنان حسام حبيب.

قالت شيرين عبد الوهاب في برنامج "كلمة أخيرة" الذي تقدمه الإعلامية لميس الحديدي: "عيالي في آخر يوم كانوا هيتضربوا بالرصاص، وكنا قاعدين في الأوضة بتاعت الاستوديو، فماسك العلبة اللي فيها رصاص وراح مديني رصاصة، وقالي خدي دي مني ليكي هدية، يمين بالله ده اللي حصل معايا".

وأضافت: حسام حبيب كان موجود في البيت عشان بنخلص شغلنا في الاستوديو، وشغلنا مش بيخلص في 3 و4 ساعات، وأنا اللي غلطانة إني دخلته بيتي، وحقكوا عليا وآسفة وبعتذر للناس اللي كدبت عليهم، وأكيد في حياتكم مشاكل أهم مني ومن جوازتي السودة.

وتابعت: طلعت أقولكم حقكوا عليا، وهتعب عشان أرجع تاني شيرين اللي أنا ضيعتها عشان خاطر حب للأسف عمره ما كان حب ده كان ضحك، ده واحد كان عنده 3 كلمات مش بيقول غيرهم آيات المنافق الثلاث إذا أؤتمن خان وإذا حدث كذب وإذا خاصم فجر.. أقسم بالله ما بيعمل غير التلاتة دول.