اسمع "مش فارقة" .. أول أغنية راب لهاني الدقاق مطرب "مسار إجباري"

فى سينما وتلفزيون

السبت , 26 مارس 2022 - 20:10

طرح هاني الدقاق مطرب فريق "مسار إجباري" أغنية راب لأول مرة بصوته تحمل اسم "مش فارقة"، يتعاون فيها مع Kritic في كتابة الكلمات والموسيقى.

ونشر هاني الدقاق فيديو الأغنية عبر حسابيه في "إنستجرام" و"فيسبوك" وتقول كلماتها:

ساكت أنا قامط أنا غامض

رغم إن كله عامل دوشة أنا صامت

من كتر الهري حواليا أنا جاضض

بس مش هاجي هنا أقول إنها باظيت

وأنا مالي يا عم أنا مصلح اجتماعي

ودولا عاملين دوشة بلا داعي

فخالع بعمل التراك بتاعي

مش جاي بردو أقول إن أنا جامد أنا جاحد

أنا عادي جدا زي أي واحد

أنا جايز غاوي درامز شوية زيادة

وده جايز علشان عاوز جو مبهج حواليا وده مش جاهز

فبعمل groove يظبط الـ mood بتاعي

ولا داعي للتمادي في النقاش يكفي استماعي

واستمتاعي بالآراء في خزعبلات بتعدي عادي

بالتراضي بهز راسي وأقول في بالي

الكلام ده فاضي وانفض له عادي

مش فارقة كتير معايا كل الحكاية

فاصل دماغي رامي ورايا