كلمات تراك مروان موسى الجديد "كتير"

فى موسيقى وحفلات

الأحد , 6 مارس 2022 - 16:31 | اخر تحديث: الأحد , 6 مارس 2022 - 16:31

طرح مطرب الراب مروان موسى ميني ألبوم بعنوان "كازا كايرو" عبر قناته على YouTube.

وضم ألبوم "كازا كايرو" لمروان موسى 4 تراكات منها تراك "كتير".

وفيما يلي نتعرف على كلماته:

ساند على الشنطه في المطار
سرحان كنت تايه في الأفكار
أرجوك متكررش الاتصال
شوف سعري سوري لا مفيش فصال
قالتلي put جاز علي الكار
صاحبي أنا صاحب القرار
بتشاف زي مسلسل الاختيار
مارو ألماني وده استعمار
مبطل الدخان عشان حنجرتي بس ممكن ابدأ أشرب السيجار
في المدرسه درجاتي كانت وحشه بس مكنتش بقعد غير مع الشطار
وأنا صغير كنت بلعب بالكمانجا برو ياريتني كنت بلعب بالجيتار
كله فاكر نفسه بقي حاجه
بيغير عشان حياته فكسانه
بلم كاش انت بتلم باتا الدنيا ساحت دماغي مفيهاش مساحه
بحب أن أنا مهم بالنسبالك
بحب أن في خرم جوا دماغك
بحب أن أنا اسمي علي لسانك مش سامعك بغني للرئاسه

حارق ناس كتير
عندي أعداء كتير
عملت كاش كتير
ف هاملى كاس كبير

برو..كلم..هزقتك على الهادي يا معلم
بتهته مش عارف تتكلم
خليتك بتقولي يا فندم
والناس دي محتاجة
الناس دي محتاجة أنت ترجم
بإشاره كاريرك يتدلت
كل ما تشوفني بتتجنن
كل ما تشوفني على الشاشة وعلى يفط وفي دول غريبة بتتألم
كل ما بتاخد الأمر من سيدك بتقوله أوكي وبتتكلم
كاسي مليان علي الآخر مش هعزم عليك عشلان عقلك متسمم
البيت ده من المغرب كتبت في طيارة وحاليا مستني اللاندينج



من وأنا صغير مكنتش عمري بسمع الكلام
مجموعي كان في حدود ستين في الميه لو بجد عايز تعرف جيبت كام
بدأت تدخين في سنين جامعة عشان مكنتش عارف أنام
دلوقتي مضطر أبطل عشان جالي في الحنجره التهاب
مع الشباب ومينفعش اودي ريحه حلوة طالعه من سيرفات
مش عايز الليدي هجيب بنوته أمورة تبقى معايا في انسجام
فيديو كليب جديد بصوره good people سفروني على اليونان
بعد ما غنيت مع تامر حسني فجأه بقي يجيلي شكوي من الجيران

تقريبا....حارق ناس كتير
عندي أعداء كتير
عملت كاش كتير

حارق ناس كتير
عندي أعداء كتير
عملت كاش كتير
ف هاملى كاس كبير