كلمات تراك مروان موسى الجديد "مليان"

فى موسيقى وحفلات

الأحد , 6 مارس 2022 - 16:26 | اخر تحديث: الأحد , 6 مارس 2022 - 16:27

طرح مطرب الراب مروان موسى ميني ألبوم بعنوان "كازا كايرو" عبر قناته على YouTube.

وضم ألبوم "كازا كايرو" لمروان موسى 4 تراكات منها تراك "مليان".

وفيما يلي نتعرف على كلماته:

أيامي بتسيح عايز أظبط الجدول
سر التفنيش هو دراسة الجدوي
نزلنا الأوزان التقيلة على المكواة‫
حاول لاحقا
عفوا الـ Lyrics دي تقولها لصحابك على القهوة
الدنيا بتتغير من الأحسن للأسوأ
في الزاوية الميتة قمت خالق الفجوة
فلوس الإعلان إتفورت في ثانية
كل الأعداء اتكورت في ثانية
نفسيتي كات تحت والسما كات عالية
الدنيا بتتغير من الأسوأ للأنيل إيه
من الأسوأ للأنيل

هشوط فيهم رغم إن الجزمة دي غالية
خليك فاكر نفسك الأروش وإتريق
تفكير استراتيجي دي وراثة ألمانيا إيه
تفكيري على المدى الطويل
بلكونة باصه على النيل
مفيش نشر غسيل
بتgossip وبتبعت تقرير
تترفص وفي عينك منديل جميل
إتاكل التييل والطريق لسه بيبدأ
طالع من أكبر معركة في الحتة
لو لسه بتشك فأنا بأكدلك

أدبتك عشان بس الناس دي تفتكرك
ما تكلمنيش في جروح عشان الماضي مليان
ما تكلمنيش في فلوس أنا حسابي مليان
ما تكلمنيش في حروب جوا الخزنة مليان
هضرب هضرب هضرب هضرب في المليان
بتهرو على الفاضي إحنا بنضرب في المليان
بنقف على الكورة وبنقعد في الماريوت
بطلع في بطولة مش بطلع في الكاميرون
بجيب الأمورة تونسني في البانيو

شوية بيسمعوا الإشاعة بيتغرو
كرهك مدفون تحت الجلد ده كالو
بينتقدوا الشكل ويسيب التصرف
أنا أشقر طب إشمعنى إنتو اللي بتصفرو
مش ذنبي إني صحيت ولقيت كاش في رصيدي
مش ذنبي إن بلادك بتحب شخصيتي
مش ذنبي

مش ذنبي يا زميلي
مش ذنبي إنك نورمي وكلامك تقليدي
أنا زهقت من أي مقارنه بتتعمل
في مجالي الأجوان الأوفسايتي بتتحسب
إنت اعمل عبيط أحسن لما تتسأل
فكرتك نضيف من كتر ما بتتغسل
في فلوريدا نسيتكم ما جبتش سيرتكو
تقولش إكتفيت وإنضميت لليونسكو‫
جو التلقيح عشان Reach أنا حفظتو
كارير أسطوري مش لازم تستذكي
كل اللي قلته في تراكاتي بيتحقق
ضغوط عائلية بشيلها مش بزهق
اكزيما في جلدي بيحمر ويتشقق
ما تكلمنيش في جروح عشان الماضي مليان
ما تكلمنيش في فلوس أنا حسابي مليان
ما تكلمنيش في حروب جوا الخزنة مليان
هضرب هضرب هضرب هضرب
في المليان