سناء جميل تشرح مشكلتها مع "المكوجي" ولماذا تؤدي أعمال المنزل بنفسها

فى سينما وتلفزيون

الأربعاء , 8 ديسمبر 2021 - 06:18

في إحدى مقابلاتها التليفزيونية النادرة، شرحت الفنانة الراحلة سناء جميل للإعلامي مفيد فوزي سبب حرصها على القيام بالأعمال المنزلية مثل المسح والغسيل والكنس بنفسها، بالرغم من المكانة المرموقة التي وصلت لها.

بدأت المقابلة على باب منزل سناء جميل، وفي الخلفية صوت المكنسة الكهربائية، ليسألها مفيد فوزي "مدام سناء هو حضرتك مفيش عندك شغالة، مين بيكنس ويمسح وينظف؟" لترد عليه موضحة أنها تقوم بكل تلك الأعمال وحتى الغسيل اليدوي عند اللزوم.

وتضيف: "أنا حياتي قد كده بسيطة، وبحب أعمل حاجتي بنفسي، مفيش حد ييجي يقوللي الفطار جاهز، لازم أعمل حاجتي بإيدي."

تشرح سناء جميل بعد ذلك المشكلة التي دفعتها للاستغناء عن "المكوجي" قائلة: "في الأول كنت بدي المكوة للمكوجي عندنا هنا في المنيل، الراجل يا حبيب قلبي يظهر عنده زحام كتير، ساب المكوة عنده فترة طويلة وطلعها وسخة، خدتها منه ودفعتله الفلوس ودخلتها الغسالة تاني، ولقيت أكرملي أنا أكوي."

يتواصل الحوار أثناء قيام سناء جميل بكي القمصان، ويسألها مفيد فوزي "مش آن الأوان لفنانة مرموقة في مركزك آخرين يخدموكي؟" فتجيب: "أولا عملي في بيتي بيسعدني، مبعملوش غصب عني، والحاجة الثانية لما هجيب واحدة عشان تعمل الشغل هتعبها وهتسيبني وتمشي."