أشهر ضابط في السينما: من 2012 موقفتش قدام كاميرا وأدير سوبرماركت في مطروح

فى سينما وتلفزيون

السبت , 4 ديسمبر 2021 - 21:12

أوضح الفنان حسين الشريف أنه انتقل للإقامة الدائمة في مرسى مطروح بسبب عدم وقوفه أمام الكاميرا منذ عام 2012.

أكد حسين الشريف سعادته بعودة الجمهور للحديث عنه ومراسلته عبر مواقع التواصل الاجتماعي قائلا: "الفنان من غير جمهور ملوش أي قيمة."

وخلال مداخلة هاتفية مع الإعلامية لبنى عسل في برنامج "الحياة اليوم" المذاع عبر قناة الحياة، شرح حسين الشريف سبب اختياره لمطروح قائلا: "أنا من عشاق مطروح من أكثر من 40 سنة، كنت بجيب الأولاد دايما في الصيف عند أختي، ولما جوز أختي توفي وأختي توفيت وديت الأولاد شواطئ وأماكن تانية لم تعجبهم، فرجعت مطروح تاني. اشتريت حتة أرض واحدة واحدة بعون ربنا وبنيت بيت كويس."

وأضاف: "أنا من 2012 موقفتش قدام كاميرا، ولما لقيت مفيش فايدة قررت أقعد في مطروح، ومن 3 أو 4 سنين مقيم إقامة دايمة في مرسى مطروح، وفكرت أعمل سوبر ماركت صغير هو اللي شاغل دماغي."

وأكد حسين الشريف رغبته في العودة للتمثيل قائلا: "أنا عملت جميع الشخصيات، بس الضابط والنيابة علقت في ذهن الناس. في ضباط حقيقيين بيسألوني حضرتك الدفعة الفلانية، وفي ضباط بيمثلوا معانا بيقولوا نفسنا نعمل دور الضابط زيك."