"حاجة أعرف أتحرك فيها"..كلمة السر في تنوع إطلالات زينب غريب مؤخرا

فى سينما وتلفزيون

الأربعاء , 1 ديسمبر 2021 - 20:30

كشفت الفنانة زينب غريب سر تنوع إطلالاتها مؤخرا، كما أظهرت اختيارات أزيائها خاصة خلال حضورها فعاليات مهرجان القاهرة السينمائي الـ 43.

وفي مقابلة مع برنامج "عرب وود" قالت زينب غريب: "بحاول ألبس حاجة أقدر أتحرك فيها، تكون فيها ألوان أو يكون فيها "أيدنتيتي"، والسنة دي هبة الإستايلست بتساعدني، وأتمنى إن أنا أكون مطيعة شوية. واحدة من أقرب الناس لي قالتلي البساطة صعبة قوي ومعقدة جدا لإن الناس بتختلف عليها."

وحضرت زينب غريب ندوة خاصة نظمها مهرجان القاهرة السينمائي الدولي، بمناسبة مرور 30 عامًا على عرض فيلم "الكيت كات" للمخرج الكبير داود عبد السيد.

وعن انطباعها بعد حضور الندوة قالت: "الندوة كانت رائعة وكنت بضحك طول الوقت، وفي نفس الوقت كنت مبهورة إزاي الفيلم ده خالد وبيطلع منه كل هذه المعلومات لحد دلوقت."

كما تحدثت زينب غريب عن احتمال مشاركتها في الجزء الثاني من مسلسل "بـ 100 وش" قائلة: "أنا مستنية الجزء الثاني جدا، مش عارفة إزاي هرجع لشخصية رضوى بس هعمل أقصى ما في وسعي."

يذكر أن فعاليات الدورة الـ 43 من مهرجان القاهرة السينمائي تستمر حتى 5 ديسمبر.