أكرم حسني: ابني ودنه موسيقية وبنتي عايزة تغير اسمها

فى سينما وتلفزيون

الثلاثاء , 30 نوفمبر 2021 - 03:11

تحدث الفنان أكرم حسني، خلال حلوله ضيفا على الفنانة إسعاد يونس في برنامجها "صاحبة السعادة" المذاع عبر قناة dmc، عن علاقته بابنه ياسين وابنته ربى.

أوضح أكرم حسني أنه يحرص على وجود علاقة قوية بينه وبين ابنه وابنته، ومع مرور الوقت تغير أسلوبه في العقاب.

وقال أكرم حسني: "ربى شبهي أكثر في الطباع، واخدة نفس إستايل التفكير. ياسين مش واخد طباعي شوية، وعنده ودن موسيقية اكتشفتها قريب جدا، بس مش بيحب المزيكا."

وأضاف: "ربى عندها 15 سنة يعني آنسة، وأنا صعيدي أبويا من أسيوط، وطول الوقت عندي خناقة بين العرق الشرقي الصعيدي، وبين إن الجيل الجديد محتاج نبقى متفتحين معاهم أكثر، ونسمعهم ونصاحبهم."

وشرح أكرم حسني أن ابنته فكرت في تغيير اسمها بسبب اختلاف طريقة نطقه بالنسبة لبعض الناس، والاسم الذي اقترحته هو سلمى أبو النجا، سلمى لأن كلا منهما يحب هذا الاسم، وأبو النجا لأن الاسم الخير في عائلتهم ناجي.

وكشف أكرم حسني عن معادلة توصل إليها في التربية قائلا: "أنا وهي أصحاب، وقلتلها يا ربى مش عايزك تخافي مني، عايزك تحترميني. أي مشكلة تقعي فيها كلميني."

وروى أكرم حسني موقفا حدث في نهاية حلقة من برنامج الفنان أحمد أمين استضافته هو وياسين قائلا: "في نهاية البرنامج كنا بنكتب لبعض جوابات عن مشاعري ناحيته ومشاعره ناحيتي وكنا هنعيط. أول مرة أشوف ياسين بيعبر عن اللي جواه بالشكل ده."

وأضاف: "زمان كنت بعاقب بسحب الموبايل، بالتجربة والخبرات مبقتش أعاقب خالص، عقابي ليك إني زعلان منك."